നാളെ ലോക ഹൃദയ ദിനം
ഹൃദയാരോഗ്യത്തിന് പ്രകൃതിനൽകും വിഭവങ്ങൾ നമ്മുടെ ആരോഗ്യപ്രശ്നങ്ങളെ നേരിടാൻ പ്രകൃതിയിൽ തന്നെ ധാരാളം മരുന്നുകൾ ഉണ്ട്. അവയൊക്കെ ശരീരത്തിലുണ്ടാകുന്ന സകല അസുഖങ്ങൾക്കും ഉപയോഗ പ്രദമാണ്. നമ്മുടെ വീട്ട് മുറ്റത്തും തൊടിയിലും വയലോരങ്ങളിലും ഒക്കെയായി പച്ചപിടിച്ച് കിടക്കുമ്പോൾ അതൊന്നും ശ്രദ്ധിക്കാതെ, ഉപയോഗിക്കാതെ തികച്ചും അവഗണനാ മനോഭാവത്തോടെയാണ് നമ്മൾ പാർശ്വ ഫലങ്ങൾ ഉണ്ടാക്കുന്ന രാസവസ്തുക്കളുടെ പുറകെ പോയി കൊണ്ടിരിക്കുന്നു. ആ രീതി ഒട്ടും ശരിയല്ല. എന്നാൽ പഴമക്കാരും , നാട്ട് വൈദ്യന്മാരും അത് കണ്ടെത്തി മനസ്സിലാക്കി ഉപയോഗിച്ച് വരുന്നു. അതിനൊക്കെ അതിൻ്റെതായ […]
മാതാ അമൃതാനന്ദമയിയുടെ 72-ാം പിറന്നാള് ആഘോഷതൊടാനുബന്ധിച്ചു നടന്ന പരിപാടിയില് ആയിരുന്നു ആദരം.
അമൃതാനന്ദമയിയെ ആദരിച്ച സംസ്ഥാന സര്ക്കാരിന്റെ നടപടി വിമര്ശിക്കപ്പെടുന്നതിനിടെ പോസ്റ്റുമായി മുതിര്ന്ന സിപിഐഎം നേതാവ് പി ജയരാജന്റെ മകന് ജെയ്ന് രാജ്. ‘വല്യ ഡെക്കറേഷന് ഒന്നും വേണ്ട…സുധാമണി’ എന്നാണ് ജെയ്ന് ഫേസ്ബുക്കില് കുറിച്ചത്. ഐക്യരാഷ്ട്രസഭ ജനറല് അസംബ്ലിയില് ലോകത്തെ അഭിസംബോധന ചെയ്ത് മലയാളത്തില് പ്രസംഗിച്ചതിന്റെ രജതജൂബിലി ആഘോഷ വേളയിലാണ് അമൃതാനന്ദമയിയെ സംസ്ഥാന സര്ക്കാര് ആദരിച്ചത്. അമൃത വിശ്വവിദ്യാപീഠം അമൃതപുരി കാമ്പസില് നടന്ന ചടങ്ങില് വകുപ്പ് മന്ത്രി സജി ചെറിയാനാണ് ആദരിച്ചത്. മാതാ അമൃതാനന്ദമയിയുടെ 72-ാം പിറന്നാള് ആഘോഷത്തോടനുബന്ധിച്ച് നടന്ന […]
കേരളത്തിൽ സെപ്റ്റംബർ 30 പൊതു അവധി പ്രഖ്യാപിച്ചു.
നവരാത്രി ആഘോഷങ്ങളുടെ ഭാഗമായി (പൂജവയ്പ്പ്), സംസ്ഥാനത്തെ സർക്കാർ, അർദ്ധസർക്കാർ. പൊതുമേഖലാ നെഗോഷ്യബിൾ ഇൻസ്ട്രമെൻ്റ് ആക്ട് പ്രകാരം പ്രവർത്തിയ്ക്കുന്ന സ്ഥാപനങ്ങൾക്കും, പ്രഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ദുർഗാഷ്ടമി ദിവസമായ 2025 സെപ്റ്റംബർ 30 ചൊവ്വാഴ്ച സർക്കാർ പൊതു പൊതുഅവധി പ്രഖ്യാപിച്ചു. തിങ്കളാഴ്ച വൈകിട്ട് പൂജ വെക്കുന്നതിനാലാണ് ചൊവ്വാഴ്ച അവധി. നവരാത്രിയുടെ ഭാഗമായി തുടർച്ചയായ മൂന്ന് ദിവസമാണ് അവധി ലഭിക്കുക. 30ന് നിയമസഭാ സമ്മേളനം നടക്കുന്നതിനാൽ നിയമസഭയുമായി ബന്ധപ്പെട്ട ചുമതലയുള്ള ഉദ്യോഗസ്ഥർക്ക് അവധി ബാധകമല്ല.
ജനവാസമേഖലയിൽ ഇറങ്ങിയ കാട്ടുപോത്തിനെ ഒടുവിൽ മയക്കുവെടി വച്ചു പിടിച്ചു…
ജനവാസമേഖലയിൽ ഇറങ്ങിയ കാട്ടുപോത്തിനെ മയക്കുവെടി വച്ചുപിടികൂടി. കൂടാളി ചിത്രാരിയിൽവച്ചാണ് ഉച്ചയ്ക്ക് 12 മണിയോടെ മയക്കുവെടി വച്ചത്. കാട്ടുപോത്തിനെ ആറളം വന്യജീവി സങ്കേതത്തിലേക്ക് മാറ്റാനാണ് വനംവകുപ്പിന്റെ നീക്കം. ഏതാനും ദിവസങ്ങളായി ജനവാസ മേഖലയിൽ ഭീഷണിയായി ചുറ്റിത്തിരിയുകയായിരുന്നു കാട്ടുപോത്ത്. വെള്ളിയാഴ്ച വൈകിട്ട് മയക്കുവെടി വയ്ക്കാനുള്ള സംവിധാനങ്ങൾ ഒരുക്കിയെങ്കിലും രാത്രിയായതോടെ സാധിക്കാതെ വന്നു. വ്യാഴാഴ്ച രാത്രി മുതലാണ് കിളിയങ്ങാട്ട് കാട്ടുപോത്തിനെ കണ്ടത്. കിളിയങ്ങാട് മേറ്റടി റോഡിലൂടെ നീങ്ങിയ കാട്ടുപോത്ത് വെള്ളിയാംപറമ്പിൽ കിൻഫ്ര പാർക്കിനായി ഏറ്റെടുത്ത സ്ഥലത്ത് നിലയുറപ്പിക്കുകയായിരുന്നു. വിവരമറിയിച്ചതിനെത്തുടർന്ന് വനംവകുപ്പ് ഉദ്യോഗസ്ഥർ […]
മലപ്പുറത്ത് നിർത്തിയിട്ട ലോറിയിൽ കാർ ഇടിച്ച് കയറി.
മലപ്പുറം വി കെ പടിയില് വാഹനാപകടത്തില് രണ്ട് മരണം.വൈലത്തൂര് സ്വദേശി ഉസ്മാ(24)നും മറ്റൊരാളുമാണ് മരിച്ചത്.നിര്ത്തിയിട്ട ലോറിക്ക് പിന്നില് കാറിടിച്ചാണ് അപകടമുണ്ടായത്.സംഭവത്തില് മൂന്ന് പേരെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്.കാർ പൂർണമായും തകർന്നു. തലക്കടത്തൂര് ദര്സിലെ വിദ്യാര്ത്ഥികളാണ് കാറില് ഉണ്ടായിരുന്ന അഞ്ച് പേരും.കാര് അമിത വേഗതയിലായിരുന്നോ എന്നതടക്കമുള്ള കാര്യങ്ങൾ അന്വേഷിച്ചുവരികയാണെന്ന് പൊലീസ് അറിയിച്ചു.അപകടത്തില് ഗുരുതരമായി പരിക്കേറ്റ ഒരാളെ കോഴിക്കോട് മെഡിക്കല് കോളേജിലേക്കും ഒരാളെ കോട്ടക്കലിലെ സ്വകാര്യ ആശുപത്രിയിലേക്കും മാറ്റി.ഒരാള് തിരൂരങ്ങാടിയിലെ സ്വകാര്യ ആശുപത്രിയില് ചികിത്സയിലാണ്.
നാലര വയസുകാരനോട് അമ്മയുടെ ക്രൂരത.
ആലപ്പുഴ: കായംകുളത്ത് നാലര വയസുകാരനെ അമ്മ ചട്ടുകം പഴുപ്പിച്ച് പൊള്ളിച്ചു.കായംകുളം കണ്ടല്ലൂർ പുതിയ വിളയിലാണ് സംഭവം.കുട്ടി ട്രൗസറിൽ മലമൂത്രവിസർജനം നടത്തിയതിൽ പ്രകോപിതയായാണ് അമ്മയുടെ ക്രൂരത.സംഭവത്തിൽ അമ്മയ്ക്കെതിരെ കായംകുളം കനകക്കുന്ന് പൊലീസ് കേസെടുത്തു.കുട്ടിയുടെ പിൻഭാഗത്തും കാലിലും ചട്ടുകം വെച്ച് പൊള്ളിക്കുകയായിരുന്നു.പൊള്ളലേറ്റ കുട്ടിയെ അമ്മ തന്നെയാണ് ആശുപത്രിയിൽ എത്തിച്ചത്.സംശയം തോന്നിയതോടെ ഡോക്ടറാണ് വിവരം പൊലീസിലും സിഡബ്ല്യുസിയിലും അറിയിച്ചത്.
രണ്ട് വയസുകാരിയെ തട്ടിക്കൊണ്ടുപോയി പീഡിപ്പിച്ച് ഉപേക്ഷിച്ച കേസ്.
തിരുവനന്തപുരം ചാക്കയില് റോഡരികില് മാതാപിതാക്കള്ക്കൊപ്പം കിടന്നുറങ്ങുകയായിരുന്ന രണ്ട് വയസുകാരിയെ തട്ടിക്കൊണ്ടുപോയി പീഡിപ്പിച്ച് ഉപേക്ഷിച്ച കേസില് പ്രതി കുറ്റക്കാരന്.ആറ്റിങ്ങല് ഇടവ സ്വദേശിയായ കബീര് എന്ന് വിളിക്കുന്ന ഹസന്കുട്ടിയെയാണ് കുറ്റക്കാരനെന്ന് കോടതി കണ്ടെത്തിയത്.തിരുവനന്തപുരം പോക്സോ കോടതിയുടേതാണ് വിധി.ഒക്ടോബര് മൂന്നിന് ശിക്ഷാവിധിയുണ്ടാകും.2024 ഫെബ്രുവരി 19നായിരുന്നു സമൂഹ മനസാക്ഷിയെ ഞെട്ടിച്ച അതിക്രമം.ചാക്കയ്ക്ക് സമീപം നാടോടികളായ ഹൈദരാബാദുകാരായ ദമ്പതികള്ക്കൊപ്പം കിടന്നുറങ്ങുകയായിരുന്ന രണ്ട് വയസുകാരിയെ ഹസന്കുട്ടി തട്ടിക്കൊണ്ടു പോകുകയായിരുന്നു.ചാക്ക ബ്രഹ്മോസ് എയ്റോസ്പേസ് പ്രൈവറ്റ് ലിമിറ്റഡിന് പിന്നിലുള്ള പൊന്തക്കാട്ടില് കൊണ്ടുപോയി പീഡിപ്പിച്ച ശേഷം മരിച്ചെന്ന ധാരണയില് ഉപേക്ഷിച്ച് […]
ഫ്രം വിഴിഞ്ഞം ടു ഡൽഹി ഓട്ടോ ഡ്രൈവറിൽ നിന്ന് നിർണായക വിവരം.
വിഴിഞ്ഞം : വീട് വിട്ടിറങ്ങി വിമാനം കയറി ഡൽഹിയിലെത്തിയ 13 കാരിയെ കണ്ടെത്തി തിരികെ വിഴിഞ്ഞത്തെ വീട്ടിൽ എത്തിച്ചു.വ്യാഴം രാവിലെ വീട്ടിൽ നിന്നിറങ്ങി ഓട്ടോയിൽ തിരുവനന്തപുരം വിമാനത്താവളത്തിൽനിന്നു വിമാനം കയറിയ പെൺകുട്ടിയെ പൊലീസിന്റെ ആവശ്യ പ്രകാരം ഡൽഹി വിമാനത്താവളത്തിൽ തടഞ്ഞുവയ്ക്കുകയായിരുന്നു. തുടർന്ന് വിഴിഞ്ഞം പോലീസ് ഡൽഹിയിലെത്തി കുട്ടിയെ ഏറ്റുവാങ്ങി വിഴിഞ്ഞത്ത് തിരിച്ചെത്തിച്ചു.വിഴിഞ്ഞത്തു താമസിക്കുന്ന ബംഗാൾ സ്വദേശികളുടെ മകളാണ് ഒറ്റയ്ക്ക് വിമാനം കയറി ഡൽഹിയിലെത്തിയത്.കുട്ടിയെ ഇന്നലെ രാവിലെ 7 മുതൽ കാണാനില്ലെന്നു ബന്ധുക്കൾ പരാതി നൽകിയിരുന്നു.അന്വേഷണത്തിനിടെ കുട്ടിയെ വിമാനത്താവളത്തിൽ […]
വീട്ടിലെത്താൻ ഒന്നര കിലോമീറ്റർ മാത്രം ബാക്കി ഏഴംഗ കുടുംബം സഞ്ചരിച്ച കാർ മരത്തിൽ ഇടിച്ച് ഒരു മരണം.
വണ്ടൂർ : പേരക്കുട്ടിയെ മൈസൂരുവിൽ നഴ്സിങ് കോളജിൽ ആക്കി മടങ്ങിയ ഏഴംഗ കുടുംബം സഞ്ചരിച്ച കാർ മരത്തിൽ ഇടിച്ച് സ്ത്രീ മരിച്ചു.ആറു പേർക്ക് ഗുരുതര പരുക്ക്. മൂന്നു പേർ ഗുരുതരാവസ്ഥയിലാണ്.കൂരാട് ചെല്ലക്കൊടി കരിമ്പന കുഞ്ഞിമുഹമ്മദിന്റെ ഭാര്യ മൈമൂന (62) ആണ് മരിച്ചത്.കുഞ്ഞുമുഹമ്മദ് (70), മകൾ താഹിറ (46), മക്കൾ ഇരട്ടക്കുട്ടികളായ അഷ്മില് (12), നഷ്മിൽ (12), മരുമകൻ പാണ്ടിക്കാട് സ്വദേശി ഇസ്ഹാഖ് (40), മകൾ ഷിഫ്ര (14) എന്നിവർക്കാണു പരുക്കേറ്റത്.പെരിന്തൽമണ്ണ സ്വകാര്യ ആശുപത്രിയിൽ ചികിത്സയിലാണ്. ഇന്ന് പുലർച്ചെ […]
ചൂടുള്ള പാലിൽ വീണ് ഒന്നര വയസ്സുള്ള കുഞ്ഞിന് ദാരുണാന്ത്യം.
ചൂടുള്ള പാലിൽ വീണ് ഒന്നര വയസ്സുള്ള കുഞ്ഞിന് ദാരുണാന്ത്യം.ബെംഗളൂരുവിലെ അനന്തപൂരിലെ ഒരു സ്വകാര്യ സ്കൂളിലാണ് സംഭവം.കുഞ്ഞിന്റെ അമ്മ ഇവിടെ ജോലി ചെയ്യുന്നുണ്ട്.ഇവർ കുഞ്ഞുമായിട്ടാണ് ജോലിക്ക് വരാറുള്ളത്.അമ്മ സ്കൂളിലെ കുട്ടികൾക്ക് കൊടുക്കാനുള്ള പാൽ ചൂടാറാൻ വലിയ പാത്രത്തിൽ വെച്ചിരുന്നു.കളിച്ചുകൊണ്ടിരിക്കെ കുട്ടി അബദ്ധത്തിൽ വീഴുകയായിരുന്നു. ചൂടുള്ള പാലിൽ വീണതോടെ കുഞ്ഞിന്റെ ശരീരമാസകലം പൊള്ളലേറ്റു.ഉടൻ തന്നെ അമ്മയും സ്കൂൾ അധികൃതരും കുഞ്ഞിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.പാൽ ചൂടാറാൻ വെച്ചിരുന്ന വലിയ പാത്രത്തിനടുത്തായിരുന്നു കുഞ്ഞ് കളിച്ചുകൊണ്ടിരുന്നത്.