ഇനി പെരുമ്പളം ഒറ്റപ്പെട്ട ദ്വീപല്ല:ഇത് വേറെ ലെവൽ. കായലിന് കുറുകെയുള്ള കേരളത്തിലെ ഏറ്റവും വലിയ പാലം; 100 കോടിയുടെ സ്വപ്ന പദ്ധതി 2026 ൽ പൂർത്തിയാകുന്നു. രണ്ടു കിലോമീറ്റർ വീതിയും അഞ്ചു കിലോമീറ്റർ നീളവും ആറ് ചതുരശ്ര കിലോമീറ്റർ വിസ്തൃതിയുമുള്ള ദ്വീപിലെ ജനസംഖ്യ 12,000 മാണ്. 3000 ത്തില് താഴെ വീടുകള് മാത്രമുള്ള ദ്വീപിലേക്ക് KIFBI മുഖേന 100 കോടി രൂപ ചെലവഴിച്ചാണ് KRFB മേൽനോട്ടത്തിൽ ULCCS പാലം നിർമിക്കുന്നത്. സംസ്ഥാനത്തെ ഏറ്റവും നീളമേറിയ പാലമായ പെരുമ്പളം […]
എസ്ഐആറിലെ 2002ലെ വോട്ടർ പട്ടികയുമായി നടത്തിയ മാപ്പിങ്ങിൽ പുറത്താക്കപ്പെട്ടവർ ഹാജരാക്കേണ്ടത് പൗരത്വ ഭേദഗതി നിയമ പ്രകാരമുള്ള രേഖകൾ. വോട്ടറുടെയും മാതാപിതാക്കളുടെയും ജനന സ്ഥലവും ജനന തീയതിയും ഇവർ തെളിയിക്കണം. വിദേശത്ത് ജനിച്ചവർ ഇന്ത്യൻ മിഷൻ നൽകുന്ന ജനന രജിസ്ട്രേഷൻ സർട്ടിഫിക്കറ്റ് നൽകണം. ഇന്ത്യൻ പൗരത്വ നിയമ പ്രകാരമുള്ള രേഖകളാണ് തെരഞ്ഞെടുപ്പ് കമ്മീഷൻ ആവശ്യപ്പെടുന്നത്.. 2002 ലെ വോട്ടർ പട്ടികയുമായി മാപ്പ് ചെയ്യാൻ കഴിയാത്ത 19 ലക്ഷം പേരാണ് ഹിയറിങ്ങിന് ഹാജറാകേണ്ടി വരുന്നത്. പൗരത്വ ഭേദഗതി നിയമത്തിലെ തീയതികൾ […]
തൃശ്ശൂർ മറ്റത്തൂരിൽ കോൺഗ്രസ് സ്ഥാനാർത്ഥികളായി വിജയിച്ച മുഴുവൻ പഞ്ചായത്തംഗങ്ങളും ബിജെപിയിൽ ചേർന്നതിൽ രൂക്ഷവിമർശനവുമായി മുഖ്യമന്ത്രി പിണറായി വിജയൻ. ഒറ്റച്ചാട്ടത്തിന് ബിജെപിയിൽ എത്താൻ തക്കം പാർത്തിരിക്കുന്ന പാർട്ടിയാണ് കോൺഗ്രസ് എന്ന് മുഖ്യമന്ത്രി പറഞ്ഞു. മരുന്നിനുപോലും ഒരാളെ ബാക്കിവെയ്ക്കാതെ ബിജെപി അവരെ അങ്ങെടുത്തുവെന്നും കേരളം പരിചയിച്ച രാഷ്ട്രീയ കാഴ്ചയല്ല അതെന്നും മുഖ്യമന്ത്രി വിമർശിച്ചു.2016ൽ അരുണാചൽ പ്രദേശിൽ നടന്ന കോൺഗ്രസ് എംഎൽഎമാരുടെ കൂറുമാറ്റവും 2021ൽ പുതുച്ചേരിയിൽ എൻഡിഎ അധികാരത്തിലെത്തിയതുമടക്കം ചൂണ്ടിക്കാട്ടിയാണ് മുഖ്യമന്ത്രിയുടെ വിമർശനം. ഇതിൻ്റെ കേരള മോഡലാണ് മറ്റത്തൂരിലേതെന്നും ആ പഞ്ചായത്തിൽ […]
മറ്റത്തൂർ പഞ്ചായത്ത് ഓഫീസിന് മുന്നിൽ കോൺ ഗ്രസിനെയും ബിജെപിയെയും പരിഹസിച്ച് പോസ്റ്റർ. ‘മറ്റത്തൂരിൽ കോൺഗ്രസ് ജനതാ പാർട്ടി’ എന്ന അടിക്കുറിപ്പോടെ താമരയും കൈപ്പത്തിയും ചേർന്നുള്ള ചിത്രവും ഉൾപ്പെടുത്തിയുള്ള പോസ്റ്ററാണ് പ്രത്യക്ഷപ്പെട്ടത്. ഡിവൈഎഫ്ഐ മറ്റത്തൂർ മേഖലാ കമ്മിറ്റിയാണ് ബോർഡ് സ്ഥാപിച്ചത്.
തദ്ദേശസ്ഥാപനങ്ങളില് ചുമതലയേറ്റപ്പോള് ഈശ്വരനാമത്തില് സത്യപ്രതിജ്ഞയോ ദൃഢപ്രതിജ്ഞയോ ചെയ്യുന്നതിനുപകരം ദൈവങ്ങളുടെ പേരില് പ്രതിജ്ഞ എടുത്ത സംഭവങ്ങള് ഹൈക്കോടതിയിലേക്ക്. ദൈവം എന്താണെന്ന് കോടതി വ്യാഖ്യാനിക്കട്ടെയെന്നാണ് സംസ്ഥാന തിരഞ്ഞെടുപ്പ് കമ്മിഷന്റെ നിലപാട്. പഞ്ചായത്തീരാജ്, മുനിസിപ്പാലിറ്റി നിയമങ്ങളില് പറയുന്ന ‘ദൈവനാമ’ത്തില് എല്ലാദൈവങ്ങളും വരുമോ, അല്ലെങ്കില് ഏതൊക്കെ ദൈവം ഉള്പ്പെടും തുടങ്ങിയ കാര്യങ്ങളാണ് വാദത്തില് വരുക. യേശുക്രിസ്തു, അല്ലാഹു എന്നീ പേരില് സത്യപ്രതിജ്ഞ ചെയ്യാമെന്നും ശ്രീനാരായണഗുരു, ഭാരതാംബ തുടങ്ങിയ പേരിലുള്ളത് ഭരണഘടനാവിരുദ്ധമാണെന്നും കോടതിവിധിയുണ്ട്. തിരുവനന്തപുരം കോര്പറേഷനിലെ സത്യപ്രതിജ്ഞയില് ദൈവനാമം വലിയ ചര്ച്ചയായിരുന്നു. ഭാരതാംബ, ശ്രീനാരായണഗുരു, […]
ചിറ്റൂരില് കാണാതായ ആറു വയസ്സുകാരനെ വീടിന് സമീപത്തെ കുളത്തില് മരിച്ചനിലയില് കണ്ടെത്തിയ സംഭവത്തില് ദുരൂഹത. ഇരവങ്കാട് സ്വദേശി മുഹമ്മദ് അനസിന്റെയും സൗഹിദയുടെയും മകനായ സുഹാനെയാണ് (6) ഇന്ന് രാവിലെ കുളത്തില് മരിച്ചനിലയില് കണ്ടെത്തിയത്. ഇന്നലെ രാവിലെ 11 മണിയോടെയാണ് കുട്ടിയെ കാണാതായത്. ചിറ്റൂര് പോലിസിന്റെ നേതൃത്വത്തില് 21 മണിക്കൂറിലധികം നീണ്ട തിരച്ചിലിനൊടുവിലാണ് മൃതദേഹം കണ്ടെത്തിയത്. കുട്ടി വീട്ടുമുറ്റത്തേക്ക് ഒറ്റയ്ക്ക് ഇറങ്ങുന്നത് പതിവായിരുന്നതിനാല് കാണാതായ വിവരം വീട്ടുകാര് വൈകിയാണ് ശ്രദ്ധയില്പ്പെട്ടത്. തുടര്ന്ന് പോലിസിനെ അറിയിക്കുകയായിരുന്നു. തിരച്ചിലിന്റെ ഭാഗമായി സ്ഥലത്തെത്തിയ […]
പോത്തൻകോട്, കീഴ്തോന്നയ്ക്കൽ, മഞ്ഞമല, അനീഷ് (30), കഴക്കൂട്ടം, ആറ്റിപ്ര, നെഹ്റു ജങ്ഷൻ, മണക്കാട്ടുവിളാകംവീട്ടിൽ വിവേക് (31), പോത്തൻകോട് മഞ്ഞമല, ജെഎസ് മൻസിലിൽ മുഹമ്മദ് ഷാഹിൻ (23), മഞ്ഞമല സിയാദ് (36) എന്നിവരാണ് പിടിയിലായത്. 10.5 ഗ്രാം എംഡിഎംഎ ഇ വരിൽ നിന്ന് പിടികൂടി. 20 കൊല്ലംവരെ ശിക്ഷ ലഭിക്കുന്ന വാണിജ്യ അടിസ്ഥാനത്തിലുള്ള അളവാണിത്. കിളിമാനൂർ ഭാഗത്തേക്ക് ആഡംബര കാറിൽ ലഹരിസംഘങ്ങൾ യാത്ര ചെയ്ത് വരുന്നതായി രഹസ്യ വിവരത്തിന്റെ അടിസ്ഥാനത്തിൽ റൂറൽ ജില്ലാ പൊലീസ് മേധാവി കെ സുദർശന്റെ […]
കോട്ടയത്ത് കുമരകം ഗ്രാമപഞ്ചായത്തില് കോണ്ഗ്രസ്-ബിജെപി സഖ്യം. എട്ട് അംഗങ്ങളുമായി ഏറ്റവും വലിയ ഒറ്റ കക്ഷി എന്ന നിലയില് ഭരണം നേടാനാകുമെന്ന എല്ഡിഎഫിന്റെ പ്രതീക്ഷയാണ് തകര്ന്നത്. സ്വതന്ത്ര അംഗത്തിന് യുഡിഎഫ്, ബിജെപി അംഗങ്ങള് പിന്തുണ നല്കിയതോടെ നറുക്കെടുപ്പില് ഒന്നാം വാര്ഡില് നിന്നും വിജയിച്ച പി എ ഗോപി പ്രസിഡന്റായി. യുഡിഎഫിന്റെ നാല് അംഗങ്ങളും, ബിജെപിയുടെ മൂന്ന് അംഗങ്ങളും ഏക സ്വതന്ത്രാംഗത്തിന് അനുകൂലമായി വോട്ട് രേഖപ്പെടുത്തിയതോടെയാണ് പ്രസിഡന്റ് സ്ഥാനം ഗോപിക്ക് കൈവന്നത്. മുന്പ് സിപിഎം പ്രവര്ത്തകനായിരുന്ന ഗോപി 2005ല് പഞ്ചായത്തില് […]
ആരോഗ്യ വകുപ്പിന് കീഴിലുള്ള 72 ആശുപത്രികളില് 202 സ്പെഷ്യാലിറ്റി, സൂപ്പർ സ്പെഷ്യാലിറ്റി ഡോക്ടർമാരുടെ തസ്തികകള് അനുവദിച്ച് ഉത്തരവിട്ടതായി ആരോഗ്യ വകുപ്പ് മന്ത്രി വീണാ ജോർജ്. വിവിധ ജില്ലകളിലെ ജില്ലാ, ജനറല് ആശുപത്രികളിലും കാഞ്ഞങ്ങാട്, വൈക്കം എന്നിവിടങ്ങളിലെ സ്ത്രീകളുടേയും കുട്ടികളുടേയും ആശുപത്രികള്ക്കാണ് തസ്തികകള് അനുവദിച്ചത്. താലൂക്ക്, ജില്ലാ, ജനറല് ആശുപത്രികളില് സ്പെഷ്യാലിറ്റി, സൂപ്പർ സ്പെഷ്യാലിറ്റി ചികിത്സകള് ശക്തമാക്കുകയാണ് ഇതിലൂടെ ലക്ഷ്യമിടുന്നത്. ആശുപത്രികളില് കൂടുതല് വിദഗ്ധ ഡോക്ടർമാരുടെ സേവനം ലഭ്യമാക്കാൻ ഇതിലൂടെ സാധിക്കുന്നതാണെന്നും മന്ത്രി വ്യക്തമാക്കി. കണ്സള്ട്ടന്റ് തസ്തികയില് കാർഡിയോളജി […]
പുതുവല്സരാഘോഷങ്ങളുടെ ഭാഗമായി ഡിസംബര് 31നു കൊച്ചി വാട്ടര് മെട്രോ സര്വീസുകളില് സമയക്രമത്തില് മാറ്റം. ഹൈക്കോര്ട്ട്-മട്ടാഞ്ചേരി, ഹൈക്കോര്ട്ട്-വൈപ്പിന്, ഹൈക്കോര്ട്ട്-ഫോര്ട്ട് കൊച്ചി എന്നീ റൂട്ടുകളിലെ സര്വീസുകള് രാത്രി 7 മണിക്ക് അവസാനിക്കും. ജനുവരി ഒന്നിന് പുലര്ച്ചെ 12 മുതല് രാവിലെ 4 വരെ ഹൈക്കോര്ട്ട്-മട്ടാഞ്ചേരി, ഹൈക്കോര്ട്ട്-വൈപ്പിന് റൂട്ടുകളില് സര്വീസുകള് ഉണ്ടായിരിക്കുമെന്ന് അധികൃതര് അറിയിച്ചു. മറ്റു റൂട്ടുകളിലെ സര്വീസുകള് പതിവുപോലെ തുടരും
