കൂറ്റൻ പപ്പാഞ്ഞി ഒരുങ്ങി
മട്ടാഞ്ചേരി : പുതുവത്സരത്തെ വരവേൽക്കാൻ ഫോർട്ട് കൊച്ചി ഒരുങ്ങി. പരേഡ് മൈതാനത്ത് കൂറ്റൻ പപ്പാഞ്ഞി തയ്യാറായി. കൊച്ചിൻ കാർണിവൽ കമ്മിറ്റിയുടെ നേതൃത്വത്തിലാണ് പരേഡ് മൈതാനത്ത് പപ്പാഞ്ഞി ഒരുങ്ങിയിട്ടുള്ളത്. വൈറ്റില സ്വദേശി എസ് എം അനിൽകുമാറാണ് അമ്പതടിയിലേറെ ഉയരമുള്ള പപ്പാഞ്ഞിയെ രൂപകൽപ്പന ചെയ്തിരിക്കുന്നത്. ക്ലബ്ബുകളുടെ നേതൃത്വത്തിൽ നൂറുകണക്കിന് പപ്പാഞ്ഞികളെ വഴിയരികിൽ ഒരുക്കിയിട്ടുണ്ട്. 31ന് രാത്രി 12ന് പപ്പാഞ്ഞിയെ അഗ്നിക്കിരയാക്കും.
ഇന്ധനവില കുറയ്ക്കാതെ മോദി സർക്കാർ
അന്താരാഷ്ട്ര വിപണിയിൽ അസംസ്കൃത എണ്ണ(ക്രൂഡ്) വില കുത്തനെ ഇടിഞ്ഞിട്ടും പെട്രോളിയം ഉൽപ്പന്നങ്ങളുടെ ആഭ്യന്തരവില കുറയ്ക്കാതെ കേന്ദ്ര സർക്കാർ. കഴിഞ്ഞ സാമ്പത്തികവർഷം ഏപ്രിൽ–നവംബർ കാലയളവിൽ ഇന്ത്യ ഇറക്കുമതി ചെയ്ത അസംസ്കൃത എണ്ണ വില ബാരലിന് ശരാശരി 80 ഡോളറായിരുന്നു. നടപ്പുസാമ്പത്തികവർഷം ഇതേ കാലയളവിൽ ഇറക്കുമതി ചെയ്ത ക്രൂഡോയിലിന്റെ ശരാശരി വില ബാരലിന് 67.6 ഡോളർ മാത്രം. ബാരലിന് 12.4 ഡോളറിന്റെ (1110 രൂപ) കുറവാണ് മുൻവർഷത്തെ അപേക്ഷിച്ചുണ്ടായത്. ഈ ഡിസംബറിൽ എണ്ണ വില വീണ്ടും താഴ്ന്ന് ബാരലിന് 62.24 […]
അണ്ണക്കുട്ടൻചാലിൽ കാട്ടാ കൃഷി നശിപ്പിച്ചു
പെരുവണ്ണാമൂഴി : അണ്ണക്കുട്ടൻചാലിൽ കാട്ടാന കൃഷി നശിപ്പിച്ചു.ചക്കിട്ടപാറ പഞ്ചായത്ത് വാർഡ് പത്തിൽപ്പെട്ട കർഷകൻ തണ്ടയിൽ വർക്കിയുടെ കൃഷിയിടമാണ് കഴിഞ്ഞ ദിവസം കാട്ടാനയിറങ്ങി നശിപ്പിച്ചത്.തെങ്ങും കമുങ്ങുമെല്ലാം തകർത്തിട്ടുണ്ട്. പെരുവണ്ണാമൂഴി ഡാം റിസർവോയർ തീരത്താണ് വർക്കിയുടെ കൃഷിയിടം. മറുകര വനഭൂമിയാണ്.ഇവിടെനിന്നാണ് റിസർവോയർ നീന്തിക്കടന്ന് കാട്ടാനകൾ കൃഷിയിടങ്ങളിലെത്തുന്നത്. പെരുവണ്ണാമൂഴി ഫോറസ്റ്റ് സ്റ്റേഷന്റെ പരിധിയിൽപ്പെടുന്ന ഭാഗമാണിത്.
ആക്രിക്കടയിൽ തീപിടുത്തം
ആലുവ: ദേശീയപാതയ്ക്കരികിൽ പുളിഞ്ചോട് ജംഗ്ഷനിൽ ചവറ് കത്തിക്കുന്നതിനിടയിൽ ആക്രിക്കടയിൽ തീപിടുത്തം. കപ്പൽ അവശിഷ്ടങ്ങ ളടക്കം കത്തിനശിച്ചു. ഇന്നലെ വൈകിട്ട് 5.10 ഓടെയായിരുന്നു തീ പിടുത്തം. സമീപത്ത് കൂട്ടിയിട്ടിരുന്ന മാലിന്യത്തിൽ നിന്നും ആക്രിക്കടയിലേക്ക് തീ പടരുകയായിരുന്നു. നാലു മണിക്കൂറോളം ആറ് ഫയർ യൂണിറ്റുകൾ കഠിനശ്രമം നടത്തിയാണ് തീ നിയന്ത്രിച്ചത്. ആളപായമില്ല. തീ വളരെ ഉയരത്തിൽ കത്തിയതോടെ വടക്ക് ഭാഗത്തുള്ള കാർ ഷോറൂമിന്റെ എസികൾ ചൂടേറ്റ് ഉരുകിപ്പോയി. ടാറ്റാ കാർ ഷോറൂമിലെ 20 ഓളം കാറുകൾ മുൻകരുതൽ എന്ന നിലയ്ക്ക് […]
എംസി റോഡിലെ ഓടകൾ തുറന്നുതന്നെ
പെരുമ്പാവൂർ : നവീകരണം പൂർത്തിയായിട്ട് 15 വർഷം കഴിഞ്ഞിട്ടും പ്രധാന സ്റ്റേറ്റ് ഹൈവേ ആയ എംസി റോഡിലെ ഓടകൾ ഇപ്പോഴും തുറന്നുതന്നെ കിടക്കുന്നു. ഈ ഓടകൾ കാൽനട യാത്രക്കാർക്കും റോഡ് ഗതാഗതത്തിനും അപകടഭീഷണിയായി തുടരുകയാണ്. പരിസ്ഥിതി സംരക്ഷണ കർമസമിതി നടത്തിയ അന്വേഷണത്തിന്റെ അടിസ്ഥാനത്തിൽ പൊതുമരാമത്തു വകുപ്പ് അധികൃതർക്കെതിരെ നിയമനടപടികൾ സ്വീകരിക്കാനൊരുങ്ങുകയാണ് കർമസമിതി അധ്യക്ഷൻ വർഗീസ് പുല്ലുവഴി. ഹൈവേ ആരംഭിക്കുന്ന അങ്കമാലി മുതൽ മൂവാറ്റുപുഴ വരെ നിരവധി ഇടങ്ങളിൽ 50 മീറ്ററുകൾ മുതൽ 200 മീറ്റർ അകലത്തിൽ ഓടകളിൽ […]
കേന്ദ്രം നല്കുന്ന ഇ ബസുകള് വാങ്ങാന് മന്ത്രി ഗണേഷ് കുമാര്
തിരുവനന്തപുരം : കെഎസ്ആര്ടിസിയില് ബസുകള് വാങ്ങാന് പണമില്ലാത്തതിനാല് കേന്ദ്ര സര്ക്കാര് സൗജന്യമായി നല്കുന്ന ഇ ബസുകള് വാങ്ങാന് മന്ത്രി ഗണേഷ് കുമാര് നീക്കം തുടങ്ങി. പിഎം ഇ സേവാ പദ്ധതി പ്രകാരം കേന്ദ്രം നല്കാമെന്ന് അറിയിച്ച 950 ഇലക്ട്രിക് ബസുകള് ആദ്യം വേണ്ടെന്നുവച്ചിരുന്നു. പിഎംശ്രീ പോലെ പിഎം ഇ സേവാ പദ്ധതിയില് ഒപ്പിട്ടാല് എല്ഡിഎഫില് പ്രശ്നമാകുമെന്നതിനാലാണ് ഗതാഗത വകുപ്പ് വിട്ടുനിന്നത്. ഇലക്ട്രിക് ബസുകളുടെ പരിപാലന ചെലവ് കൂടുതലാണെന്നും ബാറ്ററിക്ക് പെട്ടെന്ന് തകരാര് സംഭവിക്കാന് സാധ്യതയുണ്ടെന്നും വ്യക്തമാക്കിയാണ് പദ്ധതിയില് […]
കെഎസ്ആർടിസി ബസും ക്രെയിനും കൂട്ടിയിടിച്ച് അപകടം
നെടുമങ്ങാട് : കരകുളം ഏണിക്കരയിൽ കെഎസ്ആർടിസി ബസും ക്രെയിനും അപകടം. തിരുവനന്തപുരത്തുനിന്നു വിതുരയിലേക്കു പോയ കെഎസ്ആർടിസി ബസാണ് അപകടത്തിൽ പെട്ടത്. വഴയില പഴകുറ്റി നാലുവരി പാത നവീകരണത്തിന്റെ ഭാഗമായി നടക്കുന്ന ജോലികൾക്കിടെയാണ് ക്രയിനുമായി കെഎസ്ആർടിസി ബസ് ഇടിച്ചത്. വഴയിലക്കും ഏണിക്കരയ്ക്കും ഇടയ്ക്കുള്ള ചെറുവളവിലാണ് അപകടം നടന്നത്. ക്രയിനിന്റെ നീളമുള്ള ഭാഗം കെഎസ്ആർടിസി ബസിന്റെ മുൻവശത്തെ ഗ്ലാസിൽ തട്ടുകയായിരുന്നു. ഇതേ തുടർന്നു കെഎസ്ആർടിസി ബസിന്റെ ഗ്ലാസ് തകർന്നു. ക്രെയിൻ ചെറിയ കുഴിയിലേക്കു മറിഞ്ഞുവീഴുകയും ചെയ്തു. യാത്രക്കാർക്ക് വലിയ പരിക്കില്ല. […]
വിവാദം വിടാതെ ആർ ശ്രീലേഖ
തിരുവനന്തപുരം : വി കെ പ്രശാന്ത് എം.എൽ.എയുമായുള്ള ഓഫീസ് തർക്കം അവസാനിച്ചെന്ന് മാദ്ധ്യമങ്ങൾക്ക് മുന്നിൽ പറഞ്ഞെങ്കിലും വിവാദം വിടാതെ കൗൺസിലർ ആർ ശ്രീലേഖ. വിവാദമായ കെട്ടിടത്തിൽ ഇന്നലെ ഓഫീസ് തുറന്ന ശ്രീലേഖ അത് ഫേസ്ബുക്കിലൂടെ അറിയിച്ചത്. താൻ ഉയർത്തിയ വിവാദങ്ങളുടെ തുടർച്ചയെന്ന് വ്യക്തമാക്കുന്ന പരാമർശങ്ങളോടെയാണ്. ഭാരതാംബയുടെ ചിത്രം കസേരയിൽ വച്ച് വിളക്ക് തെളിച്ചാണ് ഓഫീസ് തുറന്നത്. പിന്നാലെ ജനപ്രതിനിധി എന്ന തന്റെ പുതിയ ദൗത്യം തുടങ്ങിയ സന്തോഷം ശ്രീലേഖ ഫേസ്ബുക്കിൽ പങ്കുവച്ചു.
സന്നിധാനത്ത് റവന്യൂ സംഘം പരിശോധന നടത്തി
ശബരിമല : സ്വർണക്കൊള്ളയുമായി ബന്ധപ്പെട്ട് സന്നിധാനത്ത് റവന്യൂ സംഘം പരിശോധന നടത്തി. എസ്ഐടി നൽകിയ മഹസർ പ്രകാരം ശ്രീകോവിൽ ഉൾപ്പെടെ അളന്നു. പെരുനാട് വില്ലേജ് ഓഫീസറുടെ നേതൃത്വത്തിൽ ആണ് പരിശോധന നടത്തിയത്. എസ്ഐടി നിർദേശപ്രകാരമാണ് അളവെടുത്തത്. സീൻ പ്ലാൻ രണ്ട് ദിവസത്തിനകം എസ്ഐടിക്ക് നൽകുമെന്ന് റവന്യൂ സംഘം അറിയിച്ചു. ഈ സീൻ പ്ലാനാണ് എസ്ഐടി ഹൈക്കോടതിയിൽ സമർപ്പിക്കുക. അതേസമയം ശബരിമല സ്വർണക്കൊള്ളക്കേസിൽ തിരുവിതാംകൂർ ദേവസ്വം ബോർഡിന് ഗുരുതര വീഴ്ചയെന്ന് ബോർഡ് മുൻ അംഗം എൻ വിജയകുമാറിന്റെ റിമാൻഡ് […]
ആംബുലന്സ് കടത്തിക്കൊണ്ടു പോയ വിദ്യാര്ഥികളെ കോഴിക്കോട് നിന്നും കണ്ടെത്തി.
തിരുവനന്തപുരം കല്ലമ്പലത്ത് ആംബുലന്സ് കടത്തിക്കൊണ്ടുപോയ രണ്ട് വിദ്യാര്ഥികളെയും കണ്ടെത്തി. കോഴിക്കോട് പന്തീരാങ്കാവ് പൊലീസ് സ്റ്റേഷന് പരിധിയില് നിന്നാണ് ഇരുവരെയും കണ്ടെത്തിയത്. പന്തീരാങ്കാവ് പെരുമണ്ണയിലെ ബന്ധുവീട്ടിലായിരുന്നു വിദ്യാര്ഥികള്. കല്ലമ്ബലത്ത് നിന്നാണ് പ്രായപൂര്ത്തിയാകാത്ത വിദ്യാര്ഥികള് ആംബുലന്സ് കടത്തിക്കൊണ്ടു പോയത്. വിദ്യാര്ഥികളെ തിരുവനന്തപുരത്ത് എത്തിച്ച് ചോദ്യം ചെയ്യും. ആംബുലന്സ് കൊല്ലത്ത് ഉപേക്ഷിച്ചതായാണ് വിദ്യാര്ഥികള് പറഞ്ഞത്. എന്നാല് സംഭവത്തില് കൂടുതല് വ്യക്തത വരേണ്ടതുണ്ടെന്ന് പൊലീസ് പറഞ്ഞു.കല്ലമ്ബലം കുടവൂര് മുസ്ലീം ജമാഅത്തെയുടെ ഉടമസ്ഥതയിലുള്ള വാഹനമാണ് വിദ്യാര്ഥികള് കടത്തിയത്. കാണാതായ കുട്ടികള്ക്ക് വേണ്ടി മാതാപിതാക്കളും പൊലീസില് […]