സഖാവ് പറഞ്ഞു വായിച്ചു നോക്കാതെ ഒപ്പിട്ടു
ശബരിമല കട്ടിളപ്പാളി വിവാദ കേസിൽ ഇന്നലെ അറസ്റ്റിലായ മുൻ ബോർഡ് അംഗം വിജയകുമാർ സഖാവ് പ്രസിഡൻ്റ് പറഞ്ഞതനസരിച്ച് വായിച്ചു പോലും നോക്കാതെ താൻ ഒപ്പിട്ടതായി മൊഴി നൽകി. എല്ലാ തീരുമാനങ്ങളും പത്മകുമാറിൻ്റെതായിരുന്നു. പോറ്റി ഉൾപ്പടെയുള്ളവർക്ക് അന്യായ ലാഭമുണ്ടാക്കാൻ ബോർഡ് കൂട്ടു നിന്നതായും പറയുന്നു. ബോർഡിന് വൻ നഷ്ടം ഉണ്ടായിട്ടുണ്ടെന്ന് എസ് എ റ്റി അറിയിച്ചു. ഇനിയും കീഴടങ്ങാതെ പുറത്ത് നിന്നാൽ സർക്കാരിന് നാണക്കേടാകും എന്ന് ഭയന്നു എന്നും വിജയകുമാർ മൊഴി നൽകി. ഹരികിഷോർ വില്ലേജ് ന്യൂസ്
കൊച്ചി നഗരത്തിൽ തീപിടുത്തം
ഇന്നലെ രാത്രി 12.30 മണിയോടെ കൊച്ചി ബ്രോഡ്വേയിൽ കടകൾക്ക് തീ പിടിച്ചു. 12 ഓളം കടകൾ കത്തി നശിച്ചു. ഒരു കളിപ്പാട്ട കടയിലാണ് ആദ്യം തീപടർന്നത് .ഫയർ ഫോഴ്സിൻ്റെ സമയോചിതമായ പ്രവർത്തനം കൂടുതൽ നാശനഷ്ടങ്ങൾ ഉണ്ടാകാതെ രക്ഷയായി. ലക്ഷക്കണക്കിനു രൂപയുടെ നഷ്ടം സംഭവിച്ചതായി അറിയുന്നു ആളപായം ഇല്ല. ഹരികിഷോർ വില്ലേജ് ന്യൂസ്
വില്ലേജ് ന്യൂസ് ട്രാവൻകൂർ ഫെസ്റ്റ് സമാപിച്ചു
തിരുവനന്തപുരം : വില്ലേജ് ന്യൂസ് ടി വിയുടെ ഔപചാരിക ലോഞ്ചിംഗുമായി ബന്ധപ്പെട്ട് ഡിസംബർ 24നു ജവഹർ ബാലഭവനിൽ ആരംഭിച്ച ട്രാവൻകൂർ ഫെസ്റ്റ് ഇന്നലെ ഞായറാഴ്ച സമാപിച്ചു. 24 ബുധനാഴ്ച വി.കെ പ്രശാന്ത് MLA ഉദ്ഘാടനം ചെയ്ത മേളയിൽ കാര്യവട്ടം ശ്രീകണ്ഠൻ നായർ, കവി ഗിരീഷ് പുലിയൂർ, പ്രൊഫ രമാബായി,സുരേഷ് ഒഡേസ, പിന്നണി ഗായകരായ പി കെ സുനിൽകുമാർ, പ്രമീള, മാതൃഭൂമി ചാനൽഎക്സിക്യുട്ടീവ് എഡിറ്റർ പ്രമേഷ് കുമാർ , ഫ്രാറ്റ് അധ്യക്ഷൻഎം എസ് വേണു ഗോപാൽ ഡോ.ജോർജ്ജ് ഓണക്കൂർ […]
ട്രാവൻകൂർ ഫെസ്റ്റിൽ കലാനിധിയുടെ മഞ്ജീരധ്വനി
തിരുവനന്തപുരം : വില്ലേജ് ന്യൂസ് ടിവിയുടെ ഉദ്ഘാടനത്തോടനുബന്ധിച്ച് ജവഹർ ബാലഭവനിൽ കഴിഞ്ഞ അഞ്ചു ദിവസമായി സംഘടിപ്പിച്ച ട്രാവൻകൂർ ആർട്സ് ആൻഡ് ഷോപ്പിംഗ് ഫെസ്റ്റിവലിൽ സമാപന ദിവസമായ ഇന്നലെ സാംസ്കാരിക സന്ധ്യ യിൽ കലാനിധി സെന്റർ ഫോർ കൾച്ചറൽ ഹെറിറ്റേജ് ട്രസ്റ്റിന്റെ പ്രതിഭകൾ ഒരുക്കിയ സംഗീത – നൃത്ത സമന്വയം പ്രേക്ഷക ശ്രദ്ധ നേടി. നിറഞ്ഞ സദസിനു മുന്നിൽ ബാലപ്രതിഭകൾ മൂന്ന് മണിക്കൂർ നീണ്ട സംഗീത – നടന വിസ്മയം അവതരിപ്പിച്ചു. പ്രതിഭകൾക്ക് വില്ലേജ് ന്യൂസ് ടി വി […]
നടൻ ജയസൂര്യയെ ഇ ഡി ചോദ്യം ചെയ്യുന്നു
സേവ് ബോക്സ് ആപ്പ് നിക്ഷേപ തട്ടിപ്പുമായി ബന്ധപ്പെട്ട് നടൻ ജയസൂര്യയെ ഇ.ഡി. ചോദ്യം ചെയ്യുന്നു. കമ്പനിയുടെ ബ്രാൻഡ് അംബാസിഡറായിരുന്നു ജയസൂര്യ. കമ്പനിയുടമ നേരത്തേ കസ്റ്റഡിയിലെടുത്തിരുന്നു. കമ്പനിയുടെ ഫ്രാൻചെയ്സി വാഗ്ദാനം ചെയ്ത് നിരവധി പേരിൽ നിന്ന് പണം തട്ടിയെടുത്തതായാണ് പരാതി. റിപ്പോർട്ടർ : ഹരികിഷോർ ഉള്ളൂർ വില്ലേജ് ന്യൂസ്.
തീവണ്ടിയിൽ തീപിടുത്തം
ടാറ്റാ നഗറിൽ നിന്ന് എറണാകുളത്തേയ്ക്ക് വന്ന ടാറ്റാനഗർ എക്സ്പ്രസ്സിന് നീ പിടിച്ചു. B1,B2 എന്നീ AC കോച്ചുകൾ പൂർണ്ണമായി കത്തിനശിച്ചു. കോച്ചുകളിലുണ്ടായിരുന്ന 158 യാത്രക്കാരേയും രക്ഷപ്പെടുത്തി ആന്ധ്രാപ്രദേശിലെ വിശാഖപട്ടണത്തു നിന്ന് 66 കി.മി. അകലെയുള്ള എലമഞ്ചിയൂർ സ്റ്റേഷനിൽ എത്തിയപ്പോൾ ഇന്ന് വെളുപ്പിനായിരുന്നു തീപിടുത്തം. അപകടം ശ്രദ്ധയിൽപ്പെട്ട ലോക്കോ പൈലറ്റുമാർ ട്രെയിൻ നിറുത്തുകയായിരുന്നു. ഫയർഫോഴ്സ് സ്ഥലത്ത് എത്തുംമുമ്പേ രണ്ടു ബോഗികളും കത്തിനശിക്കുകയായിരുന്നു. തീപിടുത്തത്തിൻ്റെ കാരണം വ്യക്തമല്ല. റെയിൽവെ സമഗ്രമായ അന്വേഷണം പ്രഖ്യാപിചിട്ടുണ്ട്. റിപ്പോർട്ടർ : ഹരികിഷോർ ഉള്ളൂർ വില്ലേജ് […]
തിരുവനന്തപുരത്ത് അന്താരാഷ്ട്ര ചിത്ര- കലാപ്രദർശനം
കോവളം ഗോകുലം ഗ്രാൻഡ് ടർട്ടിൽ ബീച്ച് ഹോട്ടലിൽ ഡിസംബർ 26 മുതൽ 30 വരെ അന്താരാഷ്ട്ര ചിത്ര- കലാപ്രദർശനം സംഘടിപ്പിക്കുന്നു. പ്രദർശനം കോവളം എം.എൽ.എ. ശ്രീ എം. വിൻസന്റ് പ്രദർശനം ഉദ്ഘാടനം ചെയ്യ്തു. കവടിയാർ കൊട്ടാരം ശ്രീ ആദിത്യ വർമ്മ നിലവിളക്ക് തിരി തെളിച്ചു. ശ്രീ സൂര്യകൃഷ്ണമൂർത്തി മുഖ്യാതിഥിയായിരുന്നു. ചലച്ചിത്ര സംവിധായകൻ ടി.എസ്. സുരേഷ് ബാബു അദ്ധ്യക്ഷത വഹിച്ച സമ്മേളനം പ്രേം നസീർ സുഹൃത് സമിതി പ്രസിഡന്റ് പനച്ചമൂട് ഷാജഹാൻ സ്വാഗതവും, ദിനു ഗീത (ജനറൽ മാനേജർ, […]
കൊടും ക്രിമിനൽ ബാലമുരുകൻ പിടിയിൽ
നവംബർ 3 ന് തമിഴ്നാട് പോലീസ് കസ്റ്റഡിയിൽ നിന്ന് രക്ഷപ്പെട്ട കൊടുംക്രിമിനൽ ബാലമുരുകൻ ട്രിച്ചിയിൽ പോലീസ് വാഹനപരിശോധനയ്ക്കിടെ പിടിയിലായി. കൊലപാതകമടക്കം 53 ഓളം ക്രിമിനൽ കേസുകളിൽ പ്രതിയായിരുന്നു. റിപ്പോർട്ടർ : ഹരികിഷോർ ഉള്ളൂർ വില്ലേജ് ന്യൂസ്.
UDF ഭൂരിപക്ഷം പ്രസിഡൻ്റ് സ്ഥാനം LDF ന്
കോട്ടയംഎരുമേലി പഞ്ചായത്ത് പ്രസിഡന്റ് തെരഞ്ഞെടുപ്പിൽ എൽഡിഎഫിന് വിജയം. ശ്രീനിപുരം വാർഡിൽനിന്നും വിജയിച്ച സിപിഐ എമ്മിലെ അമ്പിളി സജീവൻ പ്രസിഡൻ്റായി തിരഞ്ഞെടുത്തു.പ്രസിഡൻ്റ് സ്ഥാനം പട്ടിക വർഗ്ഗ വിഭാഗ സംവരണമായിരുന്നു. ഭൂരിപക്ഷം കിട്ടിയെങ്കിലും സംവരണ വിഭാഗത്തിൽ നിന്ന് ആരേയും വിജയിപ്പിക്കാൻ UDF ന് സാധിച്ചിരുന്നില്ല, മാത്രമല്ല, കഴിഞ്ഞ ദിവസം നടന്ന പ്രസിഡൻ്റ് തിരഞ്ഞെടുപ്പിൽ UDF അംഗങ്ങൾ വിട്ടുനിന്നിരുന്നു. ഇതോടെ കോറം തികയാതെ മാറ്റി വച്ച തിരഞ്ഞെടുപ്പ് തിങ്കളാഴ്ച നടന്നു. ഇന്നും UDF അംഗങ്ങൾ പങ്കെടുന്നില്ല. കനകപ്പലം വാർഡിൽ നിന്നും ജയിച്ച […]
ശാസ്തമംഗലം MLA ഓഫിസ് വിവാദം
പ്രതികരണവുമായി VK പ്രശാന്ത്. വട്ടിയൂർകാവ് മണ്ഡലത്തിലെ ജനങ്ങൾക്ക് എളുപ്പത്തിൽ തന്നോട് ഇടപഴകാൻ സൗകര്യർത്ഥമായാണ്ശാസ്തമംഗലത്ത് ഓഫിസ് തീരുമാനിച്ചത്. നിയമപ്രകാരം നിശ്ചയിച്ച് വാടക നൽകിയാണ് പ്രവർത്തിക്കുന്നത്. MLA ഹോസ്റ്റലിൽ വന്ന് ഒരാൾക്ക് കാണാൻ സെക്യൂരിറ്റി പ്രശ്നങ്ങൾ ഉണ്ടാകും, വയസായവർക്ക് പടികെട്ട് കയറി വരാൻ ബുദ്ധിമുട്ടുണ്ടാകും, ദിവസേന 150ൽ പരം ആൾക്കാരെ കാണുകയും അവരുടെ പ്രശ്നങ്ങളിൽ ഇടപെടുന്ന ആൾ ആണ് താനെന്നും MLA കൂട്ടി ചേർത്തു. റിപ്പോർട്ടർ : ഹരികിഷോർ ഉള്ളൂർ വില്ലേജ് ന്യൂസ്.