കോട്ടയംഎരുമേലി പഞ്ചായത്ത് പ്രസിഡന്റ് തെരഞ്ഞെടുപ്പിൽ എൽഡിഎഫിന് വിജയം. ശ്രീനിപുരം വാർഡിൽനിന്നും വിജയിച്ച സിപിഐ എമ്മിലെ അമ്പിളി സജീവൻ പ്രസിഡൻ്റായി തിരഞ്ഞെടുത്തു.
പ്രസിഡൻ്റ് സ്ഥാനം പട്ടിക വർഗ്ഗ വിഭാഗ സംവരണമായിരുന്നു. ഭൂരിപക്ഷം കിട്ടിയെങ്കിലും സംവരണ വിഭാഗത്തിൽ നിന്ന് ആരേയും വിജയിപ്പിക്കാൻ UDF ന് സാധിച്ചിരുന്നില്ല, മാത്രമല്ല, കഴിഞ്ഞ ദിവസം നടന്ന പ്രസിഡൻ്റ് തിരഞ്ഞെടുപ്പിൽ UDF അംഗങ്ങൾ വിട്ടുനിന്നിരുന്നു. ഇതോടെ കോറം തികയാതെ മാറ്റി വച്ച തിരഞ്ഞെടുപ്പ് തിങ്കളാഴ്ച നടന്നു. ഇന്നും UDF അംഗങ്ങൾ പങ്കെടുന്നില്ല.
കനകപ്പലം വാർഡിൽ നിന്നും ജയിച്ച UDF അംഗം സാറാമ്മ എബ്രഹാമിനെ വൈസ് പ്രസിഡൻ്റായി വെള്ളിയാഴ്ച തിരഞ്ഞെടുത്തിരുന്നു.
പഞ്ചായത്തിലെ മൊത്തം 24 സീറ്റിൽ UDF-14, LDF-7, NDA – 2,സ്വതന്ത്രൻ -1 എന്നതാണ് കക്ഷിനില
റിപ്പോർട്ടർ : ഹരികിഷോർ ഉള്ളൂർ വില്ലേജ് ന്യൂസ്.
