പോക്സോ കേസിൽ ജോൽസ്യൻ അറസ്റ്റിൽ

കൊല്ലം : ബാധ ഒഴിപ്പിക്കാനെന്ന പേരിൽ പതിനാറുകാരിയെ പീഡിപ്പിക്കാൻ ശ്രമിച്ച ജോൽസ്യൻ പിടിയിൽ. വെണ്ടാർ സ്വദേശി മുരാരി തന്ത്രി എന്ന രാജൻ ബാബുവിനെയാണ് ഭരണിക്കാവിൽ നിന്ന് പൊലീസ് പിടികൂടിയത്. കഴിഞ്ഞ ദിവസം അമ്മയോടൊപ്പം പൂജയ്ക്കായി എത്തിയ പെൺകുട്ടിയെ ഇയാൾ പീഡിപ്പിക്കാൻ ശ്രമിച്ചുവെന്നാണ് പരാതി.

മുരാരി തന്ത്രിയുടെ വീട്ടിൽ വച്ചാണ് സംഭവം. അമ്മയെ പുറത്തിരുത്തിയ ശേഷം പെൺകുട്ടിയെ ഇയാൾ മുറിക്കുള്ളിലേക്ക് കൊണ്ടുപോയി. തുടർന്ന് പെൺകുട്ടിയെ ബലമായി കടന്നുപിടിക്കുകയും പീഡിപ്പിക്കാൻ ശ്രമിക്കുകയും ചെയ്തു. പെൺകുട്ടി നിലവിളിച്ചതോടെ നാട്ടുകാർ എത്തി. ഇതോടെ ഇയാൾ വീട്ടിൽ നിന്നും മുങ്ങുകയായിരുന്നു. സമൂഹമാധ്യമങ്ങളിലെ റീൽസ് വീഡിയോകളിലൂടെ ശ്രദ്ധിക്കപ്പെട്ട ഇയാൾ ചാനൽ ടോക് ഷോകളിലടക്കം പങ്കെടുക്കാറുണ്ട്