മംഗളൂരുവിൽ പുതിയ വിമാനത്താവളം
മംഗളൂരു: മലയാളികൾ ഉൾപ്പെടെയുള്ളവരുടെ ധാരാളമുള്ള മംഗളൂരുവിൽ പുതിയ ഗ്രീൻഫീൽഡ് വിമാനത്താവളം വേണമെന്ന ആവശ്യം ശക്തമാകുന്നു. മംഗളൂരു അന്താരാഷ്ട്ര വിമാനത്താവളം (എംഐഎ) സജീവമായി പ്രവർത്തിക്കുന്നതിനിടെയാണ് പുതിയ വിമാനത്താവളമെന്ന ആവശ്യം ശക്തമാകുന്നത്. ഉഡുപ്പി ജില്ലയിൽ പുതിയ ഗ്രീൻഫീൽഡ് വിമാനത്താവളം എന്ന ആവശ്യമാണ് ഉയരുന്നത്. ഉഡുപ്പി ജില്ലയുടെ വടക്കൻ ഭാഗങ്ങളായ കുന്ദാപൂർ, ബൈന്ദൂർ ഭാഗങ്ങളിലെ താമസക്കാരുടെ യാത്രാ സമയം കുറയ്ക്കാൻ വിമാനത്താവളം സഹായകരമാകും. ഈ ഭാഗങ്ങളിലുള്ളവർ നിലവിൽ മംഗളൂരു അന്താരാഷ്ട്ര വിമാനത്താവളത്തെയാണ് ആശ്രയിക്കുന്നത്. വിമാനത്താവളം സാധ്യമാകുന്നതോടെ ഈ മേഖലയിലെ യാത്ര സുഗമാമാകുകയും […]
ബെംഗളൂരു ബിസിനസ് കോറിഡോർ
ബെംഗളൂരു: ഐടി നഗരമായ ബെംഗളൂരുവിൻ്റെ സ്വപ്ന പദ്ധതികളിലൊന്നാണ് ബെംഗളൂരു ബിസിനസ് കോറിഡോർ ( പെരിഫറൽ റിങ് റോഡ് ). നഗരത്തിലെയും നഗരത്തിലേക്കുമുള്ള ഗതാഗതം സുഗമമാക്കുകയും ഗതാഗതക്കുരുക്ക് ഒഴിവാക്കുകയുമാണ് പദ്ധതികൊണ്ട് സംസ്ഥാന സർക്കാർ ലക്ഷ്യമിടുന്നത്. പദ്ധതിയുമായി സർക്കാർ അതിവേഗത്തിൽ മുന്നോട്ട് പോകുകയാണ്. മുൻപ് പെരിഫറൽ റിങ് റോഡ് എന്നറിയപ്പെട്ടിരുന്ന പദ്ധതി ബെംഗളൂരുവിലുടനീളം കിഴക്ക് – പടിഞ്ഞാറ്, വടക്ക് – തെക്ക് കണക്റ്റിവിറ്റി മെച്ചപ്പെടുത്തുന്നതിനൊപ്പം പ്രധാന റോഡുകളിലെ തിരക്ക് കുറയ്ക്കുകയും ചെയ്യും. ബാംഗ്ലൂർ ഡെവലപ്മെന്റ് അതോറിറ്റി (ബിഡിഎ) ബെംഗളൂരു ബിസിനസ് […]
വരാൻ പോകുന്നത് ഇടിമിന്നലോടുകൂടിയ മഴ
തിരുവനന്തപുരം: സംസ്ഥാനത്ത് വരും ദിവസങ്ങളിൽ മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇന്ന് തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിൽ നേരിയ മഴയ്ക്ക് സാദ്ധ്യതയുണ്ട്. ഒറ്റപ്പെട്ടയിടങ്ങളിൽ 20-ാം തീയതി മുതൽ 22-ാംതീയതി വരെ ഇടിമിന്നലോടുകൂടിയ മഴയ്ക്കും സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഭാര്യയുടെ എല്ല് ഒടിഞ്ഞില്ലെങ്കിൽ ശിക്ഷയില്ല
കാബൂൾ: ഗാർഹികപീഡനം നിയമാനുസൃതമാക്കാനുള്ള നീക്കവുമായി താലിബാൻ. ഭാര്യയെയും മക്കളെയും ശാരീരികമായി ശിക്ഷിക്കാനുള്ള അധികാരം പുരുഷന് നിയമപരമായി അനുവദിക്കാനാണ് സംഘടനയുടെ നീക്കം. എല്ലുകൾ ഒടിയുകയോ തുറന്ന മുറിപ്പാടുകൾ ഉണ്ടാകുകയോ ഇല്ലാത്തപക്ഷം പീഡനപരാതി നിലനിൽക്കില്ല. ഇതിനായി പുതിയ ക്രിമിനൽ നിയമം താലിബാൻ അവതരിപ്പിച്ചു. താലിബാൻ ഭരണകൂടത്തിന്റെ പരമോന്നത നേതാവ് ഹിബത്തുള്ള അഖുൻസദ ഒപ്പിട്ട പുതിയ നിയമപ്രകാരം കുറ്റവാളി സ്വതന്ത്രനാണോ അതോ അടിമയാണോ എന്നതിനെ ആശ്രയിച്ച് വ്യത്യസ്ത തലത്തിലുള്ള ശിക്ഷകൾ അനുവദിക്കുന്ന ഒരുതരം ജാതിവ്യവസ്ഥ സൃഷ്ടിക്കുന്നു. ബലപ്രയോഗം ഉണ്ടാകുന്ന സാഹചര്യങ്ങളിൽ പ്രത്യക്ഷമായ […]
തൈക്കാട് ഗവ.മോഡൽ എച്ച്.എസ് എൽ.പി സ്കൂളിൽ വിളവെടുപ്പ് ഉത്സവം
തിരുവനന്തപുരം: തൈക്കാട് ഗവ.മോഡൽ എച്ച്.എസ് എൽ.പി സ്കൂളിൽ വിദ്യാർത്ഥികളുടെ കൃഷിയിടത്തിലെ വിളവെടുപ്പ് ഉത്സവം നടന്നു.ചടങ്ങ് ഉദ്ഘാടനം ചെയ്യാനെത്തിയ മന്ത്രി കെ.എൻ.ബാലഗോപാലിനെ കുട്ടികൾ വരവേറ്റത് പച്ചക്കറി ബൊക്കെ നൽകിയാണ്. പാഠപുസ്തകത്തിനപ്പുറം കൃഷിയറിഞ്ഞും അനുഭവിച്ചും പഠിക്കാൻ കുട്ടികൾക്ക് വഴിയൊരുക്കുന്ന മാതൃകയാണ് സ്കൂളിൽ നടപ്പാക്കിയിട്ടുള്ളതെന്ന് മന്ത്രി പറഞ്ഞു. രാസവസ്തുക്കളും മറ്റും കലർന്ന പച്ചക്കറിക്കു പകരം, സ്വന്തമായി കൃഷി നടത്തി സ്വയംപര്യാപ്തതയുടെ മാതൃകയാവുകയാണ് കുട്ടികളെന്നും അദ്ദേഹം പറഞ്ഞു. പിരപ്പമൺകാട് പാടശേഖരത്തിൽ കൃഷിയിറക്കി വിളവെടുത്ത അരിയും ചടങ്ങിൽ മന്ത്രിക്ക് കൈമാറി.വാർഡ് കൗൺസിലർ ജി.വേണുഗോപാൽ,എസ്.സി.ഇ.ആർ.ടി റിസർച്ച് […]
കുതിരവട്ടം പപ്പുവിന്റെ റോഡ് റോളർ വീണ്ടും
തിരുവനന്തപുരം : ശാന്തി കവാടം റോഡ് ടാറ് പണിക്കിടെ വെള്ളാനകളുടെ നാട് എന്ന മോഹൻലാൽ സിനിമയിലെ മെഗാ ഹിറ്റ് സീനിനെ അനുസ്മരിപ്പിച്ച് അതേ മട്ടിൽ ഒരു യഥാർത്ഥ രംഗം സംഭവിച്ചു. ഓവർസിയറും സമീപ വാസികളും തൊഴിലാളികളും സംഭവ സ്ഥലത്ത് ഉണ്ടായിരുന്നെങ്കിലും ആർക്കും അപായമുണ്ടായില്ല. നിയന്ത്രണം നഷ്ടപ്പെട്ട റോഡ് റോളർ സ്വയം നീങ്ങി ചിത്രാ നഗർ ഫ്ലാറ്റിന്റെ മതിൽ തകർത്ത് ഇടിച്ചു നിന്നു. ഇന്നലെ വൈകുന്നേരം അഞ്ചരയോടെയായിരുന്നു സംഭവം. ഹരികിഷോർ സീനിയർ റിപ്പോർട്ടർവില്ലേജ് ന്യൂസ് ഉള്ളൂർ
ഭിന്നശേഷി കുഞ്ഞുങ്ങൾക്ക് സൗജന്യ ആയുർവേദ ക്യാമ്പ്
ഭിന്നശേഷി കുഞ്ഞുങ്ങൾക്കായി 18ന് രാവിലെ 11 മുതൽ 2 വരെ പൂജപ്പുര സ്തീകളുടെയും കുട്ടികളുടെയും ആയുർവേദ ആശുപത്രിയിൽ മെഡിക്കൽ ക്യാമ്പ് നടത്തും. ഈ മെഡിക്കൽ ക്യാമ്പ് നടത്തും. ഈ മെഡിക്കൽ സ്ക്രീനിങ് ക്യാമ്പിന്റെ അടിസ്ഥാനത്തിലാണ് കുട്ടികളെ സ്നേഹധാര പദ്ധതിയിൽ ഉൾപ്പെടുത്തുന്നത്. പൊതുവിദ്യാഭ്യാസ മന്ത്രി വി ശിവൻകുട്ടി ഉദ്ഘാടനം ചെയ്യും. 12 വയസിൽ താഴെയുള്ള കുഞ്ഞുങ്ങൾക്ക് ആയുർവേദ ചികിത്സ, സ്പീച്ച് തെറാപ്പി, ഫിസിയോതെറാപ്പി, ബിഹേവിയർ തെറാപ്പി തുടങ്ങിയവ സൗജന്യമായി നൽകുന്ന പദ്ധതിയാണ് സ്നേഹധാര. ക്യാമ്പിൽ 12 വയസിനു താഴെയുള്ള […]
കാറിൽ നിന്ന് 300 കിലോ പിടികൂടി
നേമം: തമിഴ്നാട്ടിൽ നിന്ന് തലസ്ഥാനത്തു വില്പനയ്ക്ക് കൊണ്ടുവന്ന കഞ്ചാവ് പിടികൂടി. ഇന്നലെ വൈകിട്ട് അഞ്ചിന് പാപ്പനംകോട് നിന്നാണ് കാറിൽ കടത്തിയ 300 കിലോയോളം കഞ്ചാവ് പിടികൂടിയത്. സംഭവത്തിൽ കരകുളം സ്വദേശി അഫ്സൽ ഡാൻസാഫ് സംഘത്തിന്റെ പിടിയിലായി. കഞ്ചാവ് കടത്തിയ ഇന്നോവ കാറും കസ്റ്റഡിയിലെടുത്തു. കന്യാകുമാരിയിൽ നിന്ന് പാറശാല വഴി തിരുവനന്തപുരം നഗരത്തിലേക്ക് കാറിൽ കഞ്ചാവ് കൊണ്ടുവരികയായിരുന്നു. യാത്രക്കിടെ കാർ പാപ്പനംകോട് പാർക്ക് ചെയ്തു. ഇതിനിടെയാണ് കാറിൽ കഞ്ചാവുണ്ടെന്ന രഹസ്യ സന്ദേശം പൊലീസിന് ലഭിച്ചത്. വാഹനം പുറമെ നിന്നു […]
കോടികൾ പാഴായി
നെയ്യാറ്റിൻകര: കുടിവെള്ള പൈപ്പ് ലൈൻ,ഇലക്ട്രിക്കൽ കേബിൾ എന്നിവയ്ക്കായി വെട്ടിപ്പൊളിച്ച നെയ്യാറ്റിൻകര കോടതി റോഡിന്റെ അവസ്ഥ ദയനീയം. കേന്ദ്ര-സംസ്ഥാന സർക്കാരുകൾക്ക് തുല്യപങ്കാളിത്തമുള്ള അമൃത് പദ്ധതി പ്രകാരം നെയ്യാറ്റിൻകര നഗരസഭക്ക് ലഭിച്ച 64ലക്ഷം രൂപ വാട്ടർ അതോറിട്ടിക്ക് കൈമാറിയെങ്കിലും റോഡ് ടാർ ചെയ്ത് സഞ്ചാരയോഗ്യമാക്കാൻ ഇനിയും കടമ്പകളേറെയാണ്. വാട്ടർ അതോറിട്ടി ഈ തുക പി.ഡബ്ല്യു.ഡി റോഡ് ഡിവിഷന് കൈമാറുകയും റോഡ് ഡിവിഷൻ പുതുക്കിയ നിരക്കിൽ ടെൻഡർ ക്ഷണിക്കുകയും വേണം. ടെൻഡർ തുക കൂടുതലായാൽ പിന്നേയും തുക കണ്ടെത്തേണ്ടിവരും. ഒരു കോടി […]
ആറ്റുകാൽ പൊങ്കാല മഹോത്സവത്തിന് നഗരം ഒരുങ്ങി
തിരുവനന്തപുരം: ആറ്റുകാൽ പൊങ്കാല മഹോത്സവത്തിനെ വരവേൽക്കാൻ അനന്തപുരി ഒരുങ്ങി.23നാണ് ഉത്സവം ആരംഭിക്കുന്നത്.പൗരസമിതികൾ,റസിഡന്റ്സ് അസോസിയേഷനുകൾ,തൊഴിലാളി സംഘടനകൾ തുടങ്ങിയവയുടെ ആഭിമുഖ്യത്തിൽ പൊങ്കാലയാഘോഷത്തെ വരവേൽക്കുന്നതിനുള്ള ഒരുക്കങ്ങൾ പുരോഗമിക്കുകയാണ്. മണക്കാട്,ഐരാണിമുട്ടം,കിഴക്കേകോട്ട,പുളിമൂട്,അമ്പലത്തുമുക്ക്,വഞ്ചിയൂർ… തുടങ്ങിയ ഇടങ്ങളിലെല്ലാം വിവിധ സംഘടനകളുടെ ആഭിമുഖ്യത്തിൽ പൊങ്കാല മുന്നൊരുക്കം ആരംഭിച്ചിട്ടുണ്ട്.പൊങ്കാലത്തലേന്ന് വിവിധ കലാപരിപാടികൾ,പൊങ്കാല ദിവസം അന്നദാനം,പൊങ്കാല അർപ്പിക്കാനെത്തുന്ന ഭക്തർക്ക് സൗകര്യങ്ങൾ ഏർപ്പാടാക്കൽ തുടങ്ങിയവയാണ് ഇവർ ഒരുക്കുന്നത്. ചില സ്ഥലങ്ങളിൽ മെഡിക്കൽ സർവീസും സംഘടനകളുടെ നേതൃത്വത്തിൽ ഒരുക്കും. പൊങ്കാലയ്ക്കുള്ള മൺകലങ്ങളും ഇത്തവണ നേരത്തെയെത്തി.കിഴക്കേകോട്ട മുതൽ മണക്കാട് വരെ റോഡുവക്കിൽ മൺകലങ്ങളുടെ ശേഖരം നിരന്നു. […]