ആഴിമല ഗംഗാധരേശ്വര പുരസ്കാരം റസൂൽ പൂക്കുട്ടിക്ക്
വിഴിഞ്ഞം : ആഴിമല ശിവക്ഷേത്ര ദേവസ്വം ട്രസ്റ്റ് മൂന്നാമത് ആഴിമല ഗംഗാധരേശ്വര പുരസ്കാരം ഓസ്കാർ അവാർഡ് ജേതാവും ചലച്ചിത്ര അക്കാഡമി ചെയർമാനുമായ റസൂൽ പൂക്കുട്ടിക്ക് നൽകും. 25,000രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരമെന്ന് ക്ഷേത്ര പ്രസിഡന്റ് എം അശോകകുമാറും ജനറൽ സെക്രട്ടറി വിജേഷ് ആഴിമലയും അറിയിച്ചു. 80മത് വാർഷികമഹോത്സവം 15 മുതൽ 24 വരെ സമുചിതമായി ആഘോഷിക്കുന്നു. പൊങ്കാല 23നും ആറാട്ട് 24നുമാണ് നടക്കുന്നതെന്ന് വിജേഷ് ആഴിമല അറിയിച്ചു.
നെയ്യാറ്റിൻകര ഈഴക്കുളത്തിന്റെ അയിത്തം മാറി
നെയ്യാറ്റിൻകര : നെയ്യാറ്റിൻകരയിലെ ടി.ബി ജംഗ്ഷനും ആലുമൂടിനും ഇടയിലുള്ള അഴുക്കുചാലായി മാറിയ ഈഴക്കുളത്തിന് അധികൃതരുടെ അയിത്തം മാറി. ഇപ്പോൾ കുളം കാണാൻ നമ്പർ വൺ. ടൗൺ പ്രദേശത്തെ മുഴുവൻ മാലിന്യവും ഒഴുകിയെത്തിയിരുന്നത് ഈ കുളത്തിലേക്കാണ്. ഒട്ടുമിക്ക ഡ്രെയിനേജ് പൈപ്പുകളുടെയും അവസാനവും ഇവിടെയാണ്. മഴക്കാലമായാൽ ഇവിടെ കുന്നുകൂടുന്ന മാലിന്യവും മലിനജലവും തൊട്ടരികിലുള്ള പനങ്ങാട്ടുകരി ഏലായിലേക്ക് ഒഴുകിയെത്തും. പിന്നീട് നാടുമുഴുവനും മാലിന്യമയമായി മാറിയിരുന്നു. ഇതിനൊക്കെയാണ് അധികൃതരുടെ ശ്രമഫലമായി പരിഹാരമായത്.
ആൻറണി രാജു കുറ്റക്കാരൻ തൊണ്ടിമുതൽ കേസിൽ വിധി
തിരുവനന്തപുരം : നെടുമങ്ങാട് മജിസ്ട്രേറ്റ് കോടതി കുറ്റപത്രം സമർപ്പിച്ച് 19 വർഷങ്ങൾക്ക് ശേഷമാണ് വിധി പറയുന്നത്. മയക്കുമരുന്ന് കേസിലെ പ്രതിയ രക്ഷപ്പെടുത്താൻ എൽഡിഎഫ് നേതാവും എംഎൽഎയും മുൻ മന്ത്രിയുമായ ആൻറണി രാജു തൊണ്ടിമുതലിൽ കൃത്രിമം നടത്തിയെന്നാണ് കേസ്. ആൻറണി രാജുവും കോടതി ക്ലർക്കായിരുന്ന ജോസുമാണ് പ്രതികൾ. കേസ് അനന്തമായി നീളുന്നത് മാധ്യമങ്ങൾ പുറത്തു കൊണ്ടു വന്നതോടെയാണ് കേസിൽ വീണ്ടും നടപടികൾ വേഗത്തിലായത്കേസ് റദ്ദാക്കണമെന്ന ആൻറണിരാജുവിന്റെ ആവശ്യം സുപ്രീംകോടതിയും തള്ളിയതോടെയാണ് വിചാരണ തുടങ്ങിയത്. 10 വർഷം മുതൽ ജീവപര്യന്തം […]
ഫയര് ആൻഡ് സേഫ്റ്റി പിജി റിസര്ച്ച് സെന്റര്
അഗ്നിരക്ഷാരംഗത്തെ ശാസ്ത്രീയ പഠനത്തിനും ആധുനിക പരിശീലനത്തിനും പുതിയ അധ്യായം തുറക്കാൻ സംസ്ഥാന അഗ്നിരക്ഷാ വകുപ്പ്. രാജ്യത്ത് എവിടെയും നിലവിലില്ലാത്ത അതിനൂതന അഗ്നിരക്ഷാ കോഴ്സുകളാണ് കണ്ണൂർ അഞ്ചരക്കണ്ടി ബംഗ്ലാവ് മൊട്ടയില് ആരംഭിക്കുന്ന. ഫയർ ആൻ്റ് സേഫ്റ്റി സയൻസ് പോസ്റ്റ് ഗ്രാജുവേറ്റ് ആൻ്റ് റിസേർച്ച് സെന്ററിലെ സിലബസില് ഉള്പ്പെടുത്തുക. റിസർച്ച് സെന്ററിന്റെ ശിലാസ്ഥാപനം ജനുവരി നാലിന് രാവിലെ 11ന് മുഖ്യമന്ത്രി പിണറായി വിജയൻ നിർവഹിക്കും. മന്ത്രി കടന്നപ്പള്ളി രാമചന്ദ്രൻ അധ്യക്ഷത വഹിക്കും. രാജ്യത്ത് എവിടെയും അക്കാഡമിക് സിലബസില് ഉള്പ്പെട്ടിട്ടില്ലാത്ത എംഎസ് […]
ചികിത്സക്കിടെ യുവതിക്ക് ദാരുണാന്ത്യം
വടക്കന് പറവൂരില് പ്രസവ ചികിത്സക്കിടെ യുവതിക്ക് ദാരുണാന്ത്യം. വടക്കന് പറവൂര് പട്ടണം സ്വദേശിനി കാവ്യമോളാണ് മരണപ്പെട്ടത്. സംഭവത്തില് വടക്കന് പറവൂര് പൊലീസ് അസ്വാഭാവിക മരണത്തിന് കേസെടുത്തു.കഴിഞ്ഞ 24ാം തിയതിയാണ് കാവ്യ രണ്ടാം കുഞ്ഞിന് ജന്മം നല്കിയത്. ഇതിന് പിന്നാലെ അമിതമായ രക്തസ്രാവമുണ്ടാകുകയും ഗര്ഭപാത്രം നീക്കം ചെയ്യേണ്ട അവസ്ഥ വരികയുമായിരുന്നു. ഹൃദയാഘാതം സംഭവിച്ചതായി ആശുപത്രി അധികൃതര് അറിയിക്കുകയും ചെയ്തു. ആരോഗ്യനില വഷളായതിനെ തുടര്ന്ന് മറ്റൊരു ആശുപത്രിയിലേക്ക് മാറ്റിയെങ്കിലും ആന്തരികാവയവങ്ങളുടെ തകരാര് കാരണം ജീവന് നഷ്ടപെടുകയായിരുന്നു. ആശുപത്രി അധികൃതരുടെ ചികിത്സാപ്പിഴവാണ് […]
ലൈഫ് കെയർ ട്രസ്റ്റ്
നെയ്യാറ്റിൻകര : ലൈഫ് കെയർ ട്രസ്റ്റ് വാർഷികം നെയ്യാറ്റിൻകര നഗരസഭ വൈസ് ചെയർമാൻ കെ കെ ഷിബു ഉദ്ഘാടനം ചെയ്തു. അക്ഷയ കോംപ്ലക്സിലെ സുഗതകുമാരി സ്മൃതി മണ്ഡപത്തിൽ സംഘടിപ്പിച്ച വാർഷിക യോഗത്തിൽ നിലമേൽ വാർഡ് കൗൺസിലർ വി എസ് സജീവ്കുമാർ,മാനേജിംഗ് ട്രസ്റ്റി എം ഷാജി,റോബർട്ട് ആൻ്റണി,മിനിരാധ തുടങ്ങിയവർ സംസാരിച്ചു. 200 പേർക്ക് ഭക്ഷ്യ കിറ്റുകളും ഭിന്നശേഷി സ്കോളർഷിപ്പും ധനസഹായവും വിതരണം ചെയ്തു. നെയ്യാറ്റിൻകര മണ്ഡലത്തിൽ പ്രവർത്തിച്ചുവരുന്ന മികച്ച ട്രസ്റ്റുകളിൽ ഒന്നാണ് ലൈഫ് കെയർ ഫൗണ്ടേഷൻ.
മലപ്പുറത്ത് വൻ തീപിടിത്തം
മലപ്പുറം : പൂക്കോട്ടൂർ മൈലാടിയിൽ വൻ തീപിടുത്തം. ഒരു ചെരിപ്പ് നിർമ്മാണശാല പൂർണമായും കത്തി നശിച്ചു. സ്ഥലത്ത് ഫയർഫോഴ്സ് യൂണിറ്റ് എത്തി. തീ നിയന്ത്രണവിധേയമാക്കാൻ ശ്രമം തുടരുന്നു.
കേരള ഹൈക്കോടതിക്ക് പുതിയ ചീഫ് ജസ്റ്റിസ്
ജനുവരി 9 ന് ജസ്റ്റിസ് സൗമൻ സെൻ ചുമതലയേൽക്കും. കൊൽക്കട്ട സ്വദേശിയാണ് സൗമൻ സെൻ. 1991 ൽ അഭിഭാഷകനായി എൻട്രോൾ ചെയ്തു.
ശശീന്ദ്രന് ഇത്തവണ സീറ്റില്ല
കോഴിക്കോട് : നടക്കാനിരിക്കുന്ന നിയമസഭ തിരെഞ്ഞെടുപ്പിൽ മന്ത്രി ശശീന്ദ്രൻ മത്സരിക്കാനുള്ള സാദ്ധ്യത കുറവാണെന്ന് NCP കോഴിക്കോട് ജില്ലാ നേതൃത്വം പറയുന്നു. ആകെ ആറു തവണ ജയിച്ച് MLA യാകുകയും പത്തുവർഷം മന്ത്രിയായും അവസരം ലഭിച്ച സാഹചര്യത്തിൽ അദ്ദേഹം ഇത്തവണ സ്വയം ഒഴിയാനാണ് സാദ്ധ്യത എന്നാണ് അറിയാൻ കഴിയുന്നത്. അങ്ങനെയാണെങ്കിൽ ഇത്തവണ ഏലത്തൂരിൽ NCPയുടെ പുതിയ സ്ഥാനാർത്ഥിയാകും മത്സരിക്കുക.
മന്നം ജയന്തി ആഘോഷങ്ങൾക്ക് പെരുന്നയിൽ തുടക്കം
149-ന്നാമത് മന്നം ജയന്തി ആഘോഷങ്ങൾക്ക് പെരുന്ന NSS ആസ്ഥാനത്ത് NSS ജനറൽ സെക്രട്ടറി ജി.സുകുമാരൻ നായർ തിരികൊളുത്തി ഉദ്ഘാടനം ചെയ്തു. മന്ത്രി കടന്നപ്പള്ളി രാമചന്ദ്രൻ , ബി ജെ പി സംസ്ഥാന അദ്ധ്യക്ഷൻ രാജീവ് ചന്ദ്രശേഖർ, തുടങ്ങിയവർ പങ്കെടുത്തു. 1878 ജനുവരി 2 നാണ് പെരുന്നയിൽ മന്നത്തു വീട്ടിൽ പാർവ്വതിയമ്മയുടേയും വാകത്താനം നീലമന ഇല്ലത്ത് ഈശ്വരൻ നമ്പൂതിരിയുടേയും പുത്രനായി ജനിച്ചത്. 1924 ൽ നടന്ന ചരിത്രപ്രസിദ്ധമായ വൈക്കം സത്യാഗ്രഹം, ഗുരുവായൂർ സത്യാഗ്രഹം, സംസ്ഥാന സർക്കാർ ഭരണത്തിനെതിരെ നടത്തിയ […]