ബാലരാമപുരം : തലയൽ മേജർ ശ്രീഭരദ്വാജ ഋഷീശ്വര ശിവക്ഷേത്രത്തിൽ ശിവരാത്രി മഹോത്സവത്തിന് കൊടിയേറി. ക്ഷേത്ര തന്ത്രി തിരുവല്ല തെക്കേടത്ത് കുഴിക്കാട്ടില്ലം പരമേശ്വരൻ വാസുദേവൻ ഭട്ടതിരിപ്പാടിന്റെ മുഖ്യ കാർമ്മികത്വത്തിലാണ് കൊടിയേറ്റ് ചടങ്ങുകൾ നടന്നത്.
കൈതോട്ടുകോണം ശ്രീമഹാദേവ ക്ഷേത്രസന്നിധിയിൽ നിന്നും ആരംഭിച്ച കൊടിക്കൂറ ഘോഷയാത്രക്ക് റെയിൽവേ ക്രോസ് ജംഗ്ഷനിൽ ക്ഷേത്രഉപദേശകസമിതി സ്വീകരണം നൽകി, ക്ഷേത്രസന്നിധിയിലേക്ക് ആനയിച്ചു.തൃക്കൊടിയേറ്റ് നടന്നു. പത്ത് ദിവസം നീണ്ടുനിൽക്കുന്ന ഉത്സവം ആറോട്ടോടെ 17ന് സമാപിക്കും. എം.എൽ.എമാരായ എം.വിൻസെന്റ്, ഐ.ബി.സതീഷ്, പഞ്ചായത്ത് പ്രസിഡന്റ് കെ.പി.ഷീല, ജില്ലാ പഞ്ചായത്ത് അംഗം അഞ്ജിത വിനോദ് കോട്ടുകാൽ, മെമ്പർമാരായ രജിത ടീച്ചർ, അനിൽരാജ്,ഷിബുകുമാർ, ആർ.എസ്.വസന്തകുമാരി, ബി.ജെ.പി ജില്ലാ പ്രസിഡന്റ് മുക്കമ്പാലമൂട് ബിജു, ക്ഷേത്ര ഉപദേശകസമിതി പ്രസിഡന്റ് ഡി.ഹേമകുമാർ, സെക്രട്ടറി അനീഷ് കർത്ത, ഉത്സവകമ്മിറ്റി ചെയർമാൻ എസ്.ജഗദീശൻ, ജനറൽ കൺവീനർ സുരേഷ് കിഴക്കേവീട്, വിവിധ രാഷ്ട്രീയ സാംസ്കാരിക രംഗത്തെ പ്രമുഖർ എന്നിവർ പങ്കെടുത്തു. കവിയരങ്ങ്,ഐശ്വര്യപൂജ,പ്രജാപിത ബ്രഹ്മാകുമാരീസിന്റെ ആത്മീയപ്രഭാഷണം, മെഗാഷോ,ഋഷീശ്വരത്തപ്പൻ പുരസ്കാരസമർപ്പണം, ശിവരാത്രി സംഗീതോത്സവം, കമനീയ ദീപാലങ്കാരം, വിളക്കാചാരം തുടങ്ങിയ വിവിധങ്ങളായ ആഘോഷപരിപാടികൾ ശിവരാത്രി മഹോത്സവത്തോടനുബന്ധിച്ച് നടക്കും.
