കുടുംബശ്രീയിൽ റിസോഴ്സ് പേഴ്സൺ: വാക്ക് ഇൻ ഇൻ്റർവ്യു 28 ന്

കുടുംബശ്രീ ഇടുക്കി ജില്ലാമിഷന്‍ എഫ് എൻ എച്ച് ഡബ്ലിയു പദ്ധതിയിലേക്ക് കമ്മ്യൂണിറ്റി റിസോഴ്സ് പേഴ്സൺ (സി ആർ പി)/ വോളൻ്ററി റിസോഴ്സ് പേഴ്സൺ (വിആർ പി) തസ്തികയിലേയ്ക്ക് നിയമനം നടത്തുന്നതിനായി വാക്ക് ഇന്‍ ഇന്റര്‍വ്യൂ നടത്തുന്നു.വനിതകള്‍ക്ക് അപേക്ഷിക്കാം.

അഴുത, ദേവികുളം ബ്ലോക്കുകളിലായി 41 സി.ആര്‍.പി ഒഴിവുകളും 54 വി.ആര്‍.പി ഒഴിവുകളുമാണുള്ളത്.ഏതെങ്കിലും വിഷയത്തില്‍ ബിരുദമാണ് യോഗ്യത.
ഉയര്‍ന്ന പ്രായ പരിധി 45 വയസ്.

ഉദ്യോഗാര്‍ത്ഥികള്‍ വിദ്യാഭ്യാസയോഗ്യത, പ്രായം, എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളോടൊപ്പം സര്‍ട്ടിഫിക്കറ്റുകളുടെ പകര്‍പ്പും ബയോഡേറ്റയും സഹിതം ജനുവരി 28ന് രാവിലെ 11 മണിയ്ക്ക് കുയിലിമലയിലുള്ള കുടുംബശ്രീ ജില്ലാ മിഷന്‍ ഓഫീസിൽ അഭിമുഖത്തിനായി ഹാജരാകണം. ഇതേ തസ്തികയിലേയ്ക്ക് മുമ്പ് അപേക്ഷ സമര്‍പ്പിച്ചവരും അഭിമുഖത്തിന് ഹാജരാകേണ്ടതാണ്. നിശ്ചിത യോഗ്യതയുള്ളവരുടെ അഭാവത്തില്‍ കുടുംബശ്രീയില്‍ ഇത്തരം പ്രവര്‍ത്തനങ്ങളില്‍ പങ്കെടുത്ത മുന്‍ പരിചയമുള്ളവരെയും പരിഗണിക്കുന്നതാണ്.