ബഹ്റിൻ : ബഹറിൻ സോപാനം വാദ്യകലാ സംഘത്തിന്റെ പതിനാറാം വാർഷികത്തോടനുബന്ധിച്ച് കേരള സംഗീത നാടക അക്കാദമി ചെയർമാൻ മട്ടന്നൂർ ശങ്കരൻകുട്ടി മാരാർ പങ്കെടുത്ത ചടങ്ങിൽ വച്ച്, സിനിമ താരം ജയറാമിൽ നിന്നും വാദ്യശ്രീ കരിക്കകം ത്രിവിക്രമൻ പുരസ്കാരം ഏറ്റുവാങ്ങുന്നു. സോപാനം ഡയറക്ടർ സന്തോഷ് കൈലാസ് സമീപം.
കൊല്ലം : ജ്യോതി ലക്ഷ്മി (21), അക്ഷയ് (23), ശ്രുതി ലക്ഷ്മി (16) എന്നിവരാണ് മരിച്ചത്. പുലർച്ചെ ഒരു മണിയോടെയാണ് അപകടമുണ്ടായത്. ഓട്ടോറിക്ഷയിലുണ്ടായിരുന്നവരാണ് മരിച്ചത്. കരവാളൂർ സ്വദേശികളാണ് ഇവർ. ശബരിമല അയ്യപ്പഭക്തർ സഞ്ചരിച്ച ബസുമായിട്ടാണ് ഓട്ടോറിക്ഷ കൂട്ടിയിടിച്ചത്. അക്ഷയ് ആണ് ഓട്ടോ ഓടിച്ചിരുന്നത്. മരിച്ച മറ്റു രണ്ടുപേരും ബന്ധുക്കളാണെന്നാണ് വിവരം.
മണർകാട് : ഓട്ടോ റിക്ഷയിൽ നിന്നു പുക വന്നതിനെ തുടർന്ന് ഓട്ടോറിക്ഷ റോഡരികിൽ നിർത്തി റോഡിൽ ഇരുന്ന് പരിശോധന നടത്തിയ യുവാവിനെ ഇതേ ദിശയിൽ നിന്നു തന്നെ എത്തിയ കാർ ഇടിച്ചു മരിച്ചു. പാമ്പാടി വെള്ളൂർ പങ്ങട വടക്കേപ്പറമ്പിൽ ജോസിന്റെ മകൻ എമിൽ ജോസാ(20)ണ് മരിച്ചത്. ബുധനാഴ്ച ഉച്ചയ്ക്ക് ഒരു മണിയോടെയായിരുന്നു സംഭവം. മണർകാട് നാലു മണിക്കാറ്റ് ഭാഗത്ത് എത്തിയപ്പോഴാണ് എമിലും സുഹൃത്തുക്കളും സഞ്ചരിച്ച ഓട്ടോറിക്ഷയിൽ നിന്നു പുക വരുന്നത് ശ്രദ്ധയിൽപ്പെട്ടത്. ഉടൻ ഇവർ ഓട്ടോറിക്ഷ റോഡരികിൽ […]
തിരുവനന്തപുരം : തലസ്ഥാന ജില്ലയിലെ വോട്ടെടുപ്പ് കഴിഞ്ഞതോടെ ഇനി ശ്രദ്ധാകേന്ദ്രം മാർ ഇവാനിയോസ് കോളജ്. ഇവിടെയാണു കോർപറേഷന്റെ വോട്ടെണ്ണൽ കേന്ദ്രം ക്രമീകരിച്ചിരിക്കുന്നത്. കഴിഞ്ഞ ദിവസം വോട്ടെടുപ്പ് പൂർത്തിയായതിനു പിന്നാലെ വോട്ടിങ് യന്ത്രങ്ങൾ ഇവിടെയുള്ള സ്ട്രോങ് റൂമിലേക്കു മാറ്റി. ഇവിടം പൊലീസ് കാവലിലാണ്. സ്ട്രോങ് റൂം സ്ഥിതി ചെയ്യുന്ന ഭാഗത്തേക്കു പ്രവേശനത്തിനു കർശന വിലക്കേർപ്പെടുത്തിയിട്ടുണ്ട്. ത്രിതല പഞ്ചായത്തുകളുടെ വോട്ടെണ്ണൽ കേന്ദ്രങ്ങൾ ബ്ലോക്ക് അടിസ്ഥാനത്തിലാണു ക്രമീകരിച്ചിരിക്കുന്നത്. ഇതിനായി 11 കേന്ദ്രങ്ങളാണു ജില്ലയിൽ ഒരുക്കിയിട്ടുള്ളത്. ആറ്റിങ്ങൽ, വർക്കല നഗരസഭകളുടെ വോട്ടെണ്ണൽ അതത് […]
നെയ്യാറ്റിൻകര: നെയ്യാറ്റിൻകര റെയിൽവേ സ്റ്റേഷൻ വികസനം ഇനിയും അകലെ. 2023ൽ കേന്ദ്ര സർക്കാർ പദ്ധതിയായ ‘അമൃത് ഭാരത് സ്റ്റേഷൻ’ പട്ടികയിലേക്ക് ഉയർത്താൻ ലക്ഷ്യമിട്ട് നടത്തുന്ന നിർമ്മാണം ഇനിയും എങ്ങുമെത്തിയിട്ടില്ല. രണ്ട് വർഷം മുൻപ് സ്റ്റേഷൻ വികസനത്തിനായി ഇപ്പോഴുള്ള കെട്ടിടത്തിന് സമീപത്തായി ബഹുനില മന്ദിരം പണി തുടങ്ങിയെങ്കിലും പൂർത്തിയായിട്ടില്ല. പണി തീരാത്ത റെയിൽവേ സ്റ്റേഷനായതിനാൽ ട്രെയിൻ കയറാൻ ഇരുചക്ര വാഹനങ്ങളിലെത്തുന്നവരാണ് കുഴയുന്നത്.വാഹനങ്ങൾ പാർക്ക് ചെയ്യാനും കഴിയാത്ത സ്ഥിതിയാണ്. ‘അമൃത് ഭാരത് സ്റ്റേഷൻ’ പട്ടികയിലേക്ക് തിരുവനന്തപുരം ഡിവിഷനിൽ ചിറയിൻകീഴിനെയും നെയ്യാറ്റിൻകരയെയുമാണ് […]
തിരുവനന്തപുരം : കൊല്ലം മൈലക്കാട് ഉള്പ്പെടെയുള്ളിടങ്ങളില് ദേശീയപാത 66 നിര്മാണത്തിലെ തകര്ച്ച കണക്കിലെടുത്ത് ദേശീയപാതാ അതോറിറ്റി കേരളത്തിലുടനീളം സുരക്ഷാ ഓഡിറ്റ് നടത്തും. കാസർകോട് മുതൽ തിരുവനന്തപുരംവരെ എല്ലാ റീച്ചുകളിലും ആകെ 378 സ്ഥലങ്ങളിലാണ് പരിശോധന നടത്തുക. 18 പദ്ധതികളില് മണ്ണ്പരിശോധനയ്ക്ക് ജിയോ ടെക്നിക്കല് ഏജന്സികളെ നിയോഗിച്ചു. നിര്മാണം പൂര്ത്തിയായതും നടക്കുന്നതും ആരംഭിക്കാനുള്ളതുമായ സൈറ്റുകള് ഉള്പ്പെടെ 100 സ്ഥലങ്ങളില് ഒരുമാസത്തിനകം പരിശോധന പൂര്ത്തിയാക്കും. ബാക്കിയുള്ളിടങ്ങളില് മൂന്നുമാസത്തിനകവും. കേരളത്തിലെ നിര്മാണങ്ങളില് വിവിധ റിപ്പോര്ട്ടുകളുടെ അടിസ്ഥാനത്തില്, ആര്എസ് വാളിന്റെ(ഉള്ളിൽ മണ്ണ് നിറച്ചുള്ള […]
വെള്ളറട : യാത്രയ്ക്കിടയിൽ ബസിൽ വച്ച് നഴ്സിംഗ് വിദ്യാർത്ഥിനിയെ ഉപദ്രവിച്ചയാൾ പിടിയിൽ. പാറശാല ഇഞ്ചിവിള കാട്ടുകുളം സ്വദേശി പീരുമുഹമ്മദിനെയാണ് (46) വെള്ളറട സി ഐ വി പ്രസാദിന്റെ നേതൃത്വത്തിലുള്ള പൊലീസ് സംഘം പിടികൂടിയത്. ഇന്നലെ വെള്ളറടയിൽ നിന്ന് പാറശാലയിലേക്ക് പോയ കെ എസ് ആർ ടി സി ബസിലായിരുന്നു സംഭവം. ഇയാൾ സ്ത്രീകൾക്കുനേരെ അതിക്രമം നടത്തുന്നത് സ്ഥിരമാണെന്ന് പൊലീസ് പറഞ്ഞു. നെയ്യാറ്റിൻകര കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.
തിരുവനന്തപുരം : ബലാത്സംഗക്കേസിൽ കോൺഗ്രസ് എംഎൽഎ രാഹുൽ മാങ്കൂട്ടത്തിലിന് കർശന ഉപാധികളോടെ ജാമ്യം. രണ്ടാമത്തെ ബലാത്സംഗക്കേസിലാണ് തിരുവനന്തപുരം ജില്ലാ പ്രിൻസിപ്പൽ സെഷൻസ് കോടതി മുൻകൂർ ജാമ്യം അനുവദിച്ചത്. എല്ലാ തിങ്കളാഴ്ചയും രാവിലെ 10നും 11നും ഇടയിൽ അന്വേഷണ ഉദ്യോഗസ്ഥർക്ക് മുൻപിൽ ഹാജരായി ഒപ്പിടണം, സാക്ഷികളെ സ്വാധീനിക്കരുത്, അന്വേഷണവുമായി പൂർണമായി സഹകരിക്കണം തുടങ്ങിയവയാണ് ഉപാധികൾ. മാങ്കൂട്ടത്തിലിനെതിരെ കൂടുതൽ വകുപ്പുകൾ കോടതി ചുമത്തിയിരുന്നു. പെൺകുട്ടിയെ പിന്തുടർന്ന് ശല്യപ്പെടുത്തുക, തടഞ്ഞുവെക്കുക, അതിക്രമിച്ച് കയറുക- തുടങ്ങിയ വകുപ്പുകളാണ് കൂട്ടിച്ചേർത്തത്. നവംബർ 27ന് യുവതി […]
തൃശൂര് : തദ്ദേശ സ്വയംഭരണ സ്ഥാപനങ്ങളിലേക്കുള്ള രണ്ടാംഘട്ട തെരഞ്ഞെടുപ്പ് നടക്കുന്ന തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് നാളെ പൊതു അവധി. സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും അവധിയാണ്. വാണിജ്യ സ്ഥാപനങ്ങള്ക്കും വേതനത്തോടെയുള്ള അവധി പ്രഖ്യാപിച്ചിട്ടുണ്ട്. വ്യാഴാഴ്ച രാവിലെ ഏഴുമുതല് വൈകീട്ട് ആറുമണിവരെയാണ് വോട്ടെടുപ്പ്.
തദ്ദേശ തിരഞ്ഞെടുപ്പിന്റെ ഒന്നാംഘട്ട വോട്ടെടുപ്പ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ 595 തദ്ദേശസ്ഥാപനങ്ങളിലെ 11,167 വാര്ഡുകളിലേക്ക് 36,620 സ്ഥാനാർത്ഥികളാണുള്ളത്. രാവിലെ ആറിന് മോക്പോളിങ് തുടങ്ങി. ഏഴുമുതല് വൈകിട്ട് ആറുവരെയാണ് വോട്ടെടുപ്പ്. ഗ്രാമപ്രദേശങ്ങളിലുള്ളവര് മൂന്നുവോട്ട് ചെയ്യണം. (ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത്). മുനിസിപ്പാലിറ്റികളിലും കോര്പ്പറേഷനുകളിലും ഒരു വോട്ട് മാത്രമാണ്. തൃശൂർ മുതൽ കാസർഗോഡ് വരെയുള്ള ഏഴുജില്ലകളിൽ വ്യാഴാഴ്ചയാണ് വോട്ടെടുപ്പ്. 13-ന് രാവിലെ വോട്ടെണ്ണും. 1.32 കോടിയിലധികം വോട്ടർമാർക്കായി 15,422 പോളിംഗ് സ്റ്റേഷനുകൾ […]
