ഹൈക്കോടതി കൊച്ചി : രാഹുലിനെ ഈ മാസം 15 വരെ അറസ്റ്റ് ചെയ്യരുതെന്ന് ഹൈക്കോടതി നിർദ്ദേശിച്ചു. പ്രോസിക്യുഷൻ എതിർപ്പ് കോടതി തള്ളിക്കളഞ്ഞു. വിശദമായ വാദം കേൾക്കണമെന്നും കോടതി പറഞ്ഞു. ഉഭയ സമ്മതപ്രകാരമുള്ള ലൈംഗിക ബന്ധമായിരുന്നു എന്ന MLA യുടെവാദം കോടതി പരിഗണിച്ചു. പൊളിറ്റിക്കൽ ഡസ്ക് വില്ലേജ് ന്യൂസ്.
ഓയൂർ : ദേശീയപാതയിൽ കൊട്ടിയം മൈലക്കാട് നിർമ്മാണത്തിലിരുന്ന ദേശീയ പാത തകർന്നു. സർവ്വീസ് റോഡ് പിളർന്ന് മാറി. വാഹനങ്ങൾ അപകടത്തിൽ പെടാതെ അൽഭുതകരമായി രക്ഷപ്പെട്ടു. മനോജ് ബി കെ നായർ വില്ലേജ് ന്യൂസ്.
കൊച്ചി: കൊച്ചിയില് പച്ചാളം പാലത്തിന് സമീപം റെയില്വേ പാളത്തില് ആട്ടുകല്ല് കണ്ടെത്തി. റെയില്വേ പൊലീസും ഡോഗ് സ്ക്വാഡും സ്ഥലത്തെത്തി. ട്രെയിന് അട്ടിമറി ശ്രമമെന്നാണ് സംശയം. റെയില്വെ ട്രാക്കിന്റെ നടുഭാഗത്താണ് ആട്ടുകല്ല് വെച്ചിരുന്നത്. അപകടമുണ്ടാക്കും വിധം ആരാണ് ആട്ടുകല്ല് കൊണ്ടുവെച്ചതെന്ന് വ്യക്തതയില്ല. മൈസൂരു- കൊച്ചുവേളി എക്സ്പ്രസിലെ ലോക്കോ പൈലറ്റാണ് ഇത്തരത്തില് പാളത്തില് ആട്ടുകല്ല് കിടക്കുന്ന വിവരം റെയില്വേ പൊലീസിനെ അറിയിച്ചത്. തുടര്ന്ന് റെയില്വേ പൊലീസും ഡോഗ് സ്ക്വാഡും സ്ഥലത്തെത്തി പവിശോധന ആരംഭിക്കുകയായിരുന്നു. സംഭവത്തില് അട്ടിമറി ശ്രമം സംശയിക്കുന്നുണ്ട്.
തിരുവനന്തപുരം: തിരുവനന്തപുരത്ത് റോഡ് വികസനത്തിന്റെഭാഗമായിയെടുത്ത കുഴിയില് വീണ് ബൈക്ക് യാത്രികന് ദാരുണാന്ത്യം. കരകുളം ഏണിക്കര ദുർഗ്ഗാ ലൈൻശിവശക്തിയിൽ ആകാശ് മുരളി (30 )ആണ് മരിച്ചത്. പുരവൂർകോണത്ത് റോഡ് വികസനത്തിന്റെ ഭാഗമായി ഓടയ്ക്ക്എടുത്ത കുഴിയിലാണ് വീണത്. ഇന്ന് പുലർച്ചെ ഒരു മണിയോടെ ടെക്നോപാർക്കിൽ ജോലി കഴിഞ്ഞ്ബുള്ളറ്റിൽ വരുന്ന സമയത്താണ് അപകടം നടന്നത്.
കോട്ടയം : പാലാ – പൊൻകുന്നം റോഡിൽ ഒന്നാംമൈലിൽ വിദ്യാർഥിയെ കയറ്റാനായി നിർത്തിയിട്ടിരുന്ന സ്കൂൾ ബസ്സിനു പിന്നിൽ ശബരിമല തീർഥാടകർ സഞ്ചരിച്ച ബസ് ഇടിച്ചു. സ്കൂൾ ബസ് ഓടയിലേക്ക് മറിഞ്ഞു. നിയന്ത്രണം തെറ്റിയ തീർഥാടകരുടെ ബസ് സമീപത്തെ കടയിലേക്ക് ഇടിച്ചുകയറി. സ്കൂൾ വിദ്യാർഥികൾക്ക് അടക്കം പരുക്കുണ്ടെന്നാണ് വിവരം. തീർഥാടകരുടെ വാഹനത്തിൽ ഇരുപതോളം പേരുണ്ടായിരുന്നുഎന്നാണ് വിവരം. പരുക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു.
പാലക്കാട് : നഗരമധ്യത്തിലെ മാതാ കോവിൽപള്ളിക്ക് മുൻവശത്തുള്ള തുറസ്സായ സ്ഥലത്തെ മാലിന്യക്കൂമ്പാരത്തിന് സമീപം പ്ലാസ്റ്റിക് കവറിൽ പൊതിഞ്ഞ നിലയിൽ മനുഷ്യന്റെ തലയോട്ടിയും അസ്ഥികളും കണ്ടെത്തി. വ്യാഴാഴ്ചയാണ് തലയോട്ടിയും അസ്ഥികളും കണ്ടെത്തിത്തിയത് നഗരസഭയിലെ ശുചീകരണത്തൊഴിലാളികളാണ് തലയോട്ടിയും മറ്റ് ശരീരഭാഗങ്ങളും ആദ്യം കണ്ടെത്തിയത്. കഴിഞ്ഞ രണ്ടു ദിവസമായി ഈ ഭാഗത്തുനിന്ന് രൂക്ഷമായ ദുർഗന്ധം അനുഭവപ്പെട്ടിരുന്നതായി തൊഴിലാളികൾ പോലീസിനെ അറിയിച്ചു. തലമുടി അടക്കമുള്ള ശരീരഭാഗങ്ങൾ പൂർണമായി അഴുകാത്ത നിലയിലായിരുന്നു. വിവരമറിഞ്ഞ് ഉന്നത പോലീസ് ഉദ്യോഗസ്ഥർ സംഭവസ്ഥലത്തെത്തി പരിശോധന നടത്തി. വിരലടയാള, ഫൊറൻസിക് […]
തിരുവനന്തപുരം : തദ്ദേശ വോട്ടെടുപ്പ് ദിവസങ്ങളിൽ പൊതുഅവധി പ്രഖ്യാപിച്ച് പൊതുഭരണ വകുപ്പ്. തദ്ദേശ വോട്ടെടുപ്പ് നടക്കുന്ന ഡിസംബർ 9,11 തീയതികളിൽ അതാത് ജില്ലകളിലാണ് അവധി. ഡിസംബർ 9ന് തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, ആലപ്പുഴ, എറണാകുളം ജില്ലകളിലും ഡിസംബർ 11ന് തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് എന്നീ ജില്ലകളിലുമാണ് അവധി പ്രഖ്യാപിച്ചിരിക്കുന്നത്. സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. വോട്ടെടുപ്പ് നടക്കുന്ന ഡിസംബർ 9,11 തീയതികളിൽ അതാത് ജില്ലകളിൽ പൊതു […]
കോഴിക്കോട് സൗത്ത് ബീച്ചില് യുവാവിന്റെ മൃതദേഹം കണ്ടെത്തി. കടല് ഭിത്തിയിലെ കല്ലില് തല കുടുങ്ങിയ നിലയിലാണ് മൃതദേഹം. മുഖദാര് സ്വദേശിയായ ഓട്ടോ ഡ്രൈവര് ആസിഫാണ് മരിച്ചത്. ഇന്നലെ രാത്രി പത്തു മണിയോടെ ഓട്ടോ റിക്ഷയുമായി ആസിഫ് വീട്ടില് നിന്നും ഇറങ്ങിയതാണ്. രാവിലെയായിട്ടും തിരികെ എത്താത്തതിനെ തുടര്ന്ന് നടത്തിയ തിരച്ചിലില് ബീച്ചിന് സമീപം ഓട്ടോ റിക്ഷ നിര്ത്തിയിട്ട നിലയില് കണ്ടെത്തുകയായിരുന്നു. ബീച്ചില് നാട്ടുകാര് നടത്തിയ തിരച്ചിലിലാണ് മൃതദേഹം കണ്ടെത്തിയത്. ടൗണ് പൊലീസ് സ്ഥലത്തെത്തി ഇന്ക്വിസ്റ്റ് നടപടികള് പൂര്ത്തിയാക്കിയ ശേഷം […]
തിരുവനന്തപുരം : അടച്ചിട്ട മുറിയിലെ കോടതി നടപടികൾക്കൊടുവിൽ വിധിയെത്തി. രാഹുൽ മാങ്കൂട്ടത്തിൽ MLA യ്ക്ക് മുൻകൂർ ജാമ്യം തിരുവനന്തപുരം പ്രിൻസിപ്പൽ സെഷൻസ് ജഡ്ജ് നസീറ നിഷേധിച്ചു. ഇതോടെ ഏത് സമയത്തും അറസ്റ്റ് തീർച്ചയായി. മാങ്കൂട്ടത്തിൽ കീഴടങ്ങുമെന്നും പറയപ്പെടുന്നു. വിധി വന്നയുടനെ തന്നെ കോൺഗ്രസിൽ നിന്ന് തന്നെ മാങ്കൂട്ടത്തിലിനെ പുറത്താക്കിയതായും കെ.സി വേണുഗോപാൽ മാധ്യമങ്ങളോട് പറഞ്ഞു. സന്തോഷ് രാജശേഖരൻ വില്ലേജ്ന്യൂസ്.
തീപ്പൊരി വീണതോടെ പൊട്ടിത്തെറി… ആറ്റുകാൽ ക്ഷേത്ര പരിസരത്തെ അപകടത്തിൽ രണ്ട് പേർക്ക്. തിരുവനന്തപുരം :ആറ്റുകാൽ ക്ഷേത്ര പരിസരത്തുള്ള ശുചിമുറി ബ്ലോക്കിന് സമീപമുണ്ടായ പൊട്ടിത്തെറിയിൽ രണ്ട് പേർക്ക് പരിക്ക്. അറ്റകുറ്റപ്പണികളുടെ ഭാഗമായെത്തിയ ജോലിക്കാർക്കാണ് പരിക്കേറ്റത്. 25 ശുചിമുറികൾ ഉണ്ടായിരുന്ന കെട്ടിടത്തിൽ വെൽഡിങ് ജോലികളായിരുന്നു നടന്നുവന്നത്. വെൽഡിങ്ങിനെത്തിയ രണ്ടുപേർക്കാണ് പൊട്ടിത്തെറിയെ തുടർന്ന് നിസാര പരുക്കേറ്റത്. ഇവരെ സമീപത്തെ ആശുപത്രിയിൽ പ്രവേശിപ്പിച്ച് പ്രാഥമിക ചികിത്സ നൽകി വിട്ടയച്ചു. ബുധനാഴ്ച രാവിലെയായിരുന്നു സംഭവം. ശുചിമുറി ബ്ലോക്കിന്റെ പിൻഭാഗത്തെ സെപ്റ്റിക് ടാങ്കിൽ നിന്നുമാണ് പൊട്ടിത്തെറിയുണ്ടായത്. […]
