വില്ലേജ് ന്യൂസ് വെബ് ടീവി – ഗ്ലോബൽ ഗേറ്റ്‌വേ പുരസ്കാരങ്ങൾ വിതരണം ചെയ്തു

തിരുവനന്തപുരം : ട്രാവൻകൂർ ഫെസ്റ്റിനോടനുബന്ധിച്ച് വില്ലേജ് ന്യൂസ് വെബ് ടി വി യും ഗ്ലോബൽ ഗേറ്റ്‌വേ എഡ്യൂക്കേഷണൽ പ്ലാറ്റ്ഫോമും ചേർന്ന് പ്രഖ്യാപിച്ച അവാർഡുകൾ വിതരണം ചെയ്തു.

തിരുവനന്തപുരത്ത് ബാലഭവനിൽ നടക്കുന്ന ട്രാവൻകൂർ ഫെസ്റ്റിനോടനുബന്ധിച്ച് സംഘടിപ്പിച്ച സാംസ്കാരിക സന്ധ്യയിൽ മാനവികത കർമ്മ ശ്രേഷ്ഠ പുരസ്കാരം കലാനിധി സെന്റർ ഫോർ ഇത്യൻ ആർട്സ് ആൻഡ് കൾച്ചറൽ ഹെറിറ്റേജ് ട്രസ്റ്റ്‌ ചെയർപേഴ്സൺ ഗീതാരാജേന്ദ്രൻ കലാനിധിയ്ക്ക് ലഭിച്ചു. ബെസ്‌റ്റ്‌ എംപവർമെന്റ് മെന്റർ അവാർഡ് ഡോ.സജു സക്സസിനും ഏറ്റവും നല്ല പിന്നണി ഗായകനുള്ള അവാർഡ് പി കെ സുനിൽ കുമാറിനും വെൽനസ് കെയർ പുരസ്കാരം ഷെറിൻ ഫ്രാൻസിസിനും മുൻ എം പി പന്ന്യൻ രവീന്ദ്രൻ സമ്മാനിച്ചു.

ക്രിസ്തുമസിന്റെ തലേന്നാൾ തുടങ്ങിയ ട്രാവൻകൂർ ഫെസ്റ്റ് ഈ ഞായറാഴ്ച 28 ന് കലാനിധി പ്രതിഭകൾ അവതരിപ്പിക്കുന്ന വിവിധ കലാപരിപാടികളോടെ ബാലഭവനിൽ സമാപിക്കും.