രാഷ്ട്രീയം കളിക്കരുത് കോടതി

തിരുവനന്തപുരം : കോർപ്പറേഷൻ മുട്ടട വാർഡിലെ കോൺഗ്രസ് സ്ഥാനാർത്ഥി വൈഷ്ണ സുരേഷിന്റെ രക്ഷയ്ക്ക് ഹൈക്കോടതിയെത്തി. സപ്ലിമെന്ററി വോട്ടർ പട്ടികയിൽ നിന്ന് ഏറ്റവും പ്രായം കുറഞ്ഞ ‘കുട്ടി’ സ്ഥാനാർത്ഥി പുറത്തായത് വലിയ വാർത്തയായിരുന്നു.

വൈഷ്ണ ഹൈക്കോടതിയിൽ ഹർജി നൽകിയിരുന്നു.

അല്പം മുമ്പ് ഗൗരവകരമായ പരാമർശങ്ങളുമായി സിംഗിൾ ബഞ്ച് രംഗത്തു വന്നു. വില കുറഞ്ഞ രാഷ്ട്രീയം കളിക്കരുതെന്നും പ്രായം കുറഞ്ഞ സ്ഥാനാർത്ഥിയുടെ അവകാശം കേവലം സാങ്കേതികം പറഞ്ഞ് തള്ളരുതെന്നും ജസ്റ്റിസ് കുഞ്ഞു കൃഷ്ണൻ നിർദ്ദേശിച്ചു.

കളക്ടർക്കാണ് കോടതി നിർദ്ദേശം നൽകിയത്. ഇരുപതാം തീയതിക്കു മുമ്പ് നല്ല തീർപ്പുണ്ടാകണമെന്നും

അന്ന് ഈ കേസ് പരിഗണിക്കുമെന്നും കോടതി പറഞ്ഞു.

വില്ലേജ് ന്യൂസ് പൊളിറ്റിക്കൽ ഡസ്ക്