കേരള സ്‌കൂൾ ഒളിമ്പിക്‌സിൽ സ്വർണം നേടുന്ന 50 വിദ്യാർത്ഥികൾക്ക് വീട് വെച്ചു നൽകും.

തിരുവനന്തപുരം : സംസ്ഥാന സ്‌കൂൾ ഒളിംപിക്സിൽ സ്വർണം നേടുന്ന അർഹരായ വിദ്യാർഥികൾക്ക് വീട് വെച്ച് നൽകുമെന്ന് വിദ്യാഭ്യാസ മന്ത്രി വി ശിവൻകുട്ടി. ഇതിനായുള്ള മാനദണ്ഡങ്ങൾ ഉടൻ തയ്യാറാക്കാൻ ഒരു കമ്മിറ്റി രൂപീകരിക്കുമെന്നും അദ്ദേഹം വ്യക്തമാക്കി.

ഇതുവരെ 50 വീടുകൾ വെച്ചുകൊടുക്കാൻ സ്‌പോൺസർമാരെ ലഭിച്ചതായി മന്ത്രി അറിയിച്ചു. മത്സരങ്ങളിൽ മികച്ച നേട്ടം കൈവരിച്ച രണ്ട് വിദ്യാർഥികൾക്ക് നിലവിൽ വീട് വാഗ്ദാനം ചെയ്തിട്ടുണ്ട്. ഇടുക്കി സ്വദേശിനിയായ ദേവപ്രിയയ്ക്ക് സി പി എം ഇടുക്കി ജില്ലാ കമ്മിറ്റി വീട് വെച്ച് നൽകുമെന്ന് അറിയിച്ചു. കോഴിക്കോട് സ്വദേശിനിയായ ദേവനന്ദയ്ക്ക് പൊതുവിദ്യാഭ്യാസ വകുപ്പിന് കീഴിലുള്ള കേരള സ്‌കൗട്ട്‌സ് ആന്റ് ഗൈഡ്‌സ് വീട് നിർമിച്ചു നൽകും.