എരുമേലി : മുക്കൂട്ടുതറ, എലിവാലിക്കര, തുമരംപാറ റൂട്ടിൽ കെ. എസ്. ആർ. ടി . സി യുടെ സർവീസ് പുനരാരംഭിച്ചു.
തുമരംപാറ ഉൾപ്പെടുന്ന ഗ്രാമീണ മേഖലയിൽ മാസങ്ങളായി സർവീസ് നിർത്തി വെച്ചിരുന്ന ബസ് ആണ് ഇന്നുമുതൽ സർവീസ് ആരംഭിച്ചത്.
രാവിലെ ഒമ്പതിന് മുക്കൂട്ടുതറയിലെത്തുന്ന ബസ് എലിവാലിക്കര വഴി തുമരംപാറയിൽ 9.15 ന് എത്തും.
തുടർന്ന് 9.25 ന് എരുമേലി സെന്ററിൽ എത്തിയ ശേഷം കാഞ്ഞിരപ്പള്ളി, പൊൻകുന്നം റൂട്ടിൽ സർവീസ് നടത്തും.
രാവിലെ 10.30 നാണ് പൊൻകുന്നത്ത് ബസ് എത്തിച്ചേരുക.
ബസ് ജീവനക്കാർക്ക് ആവേശകരമായ സ്വീകരണം നൽകിയാണ് നാട്ടുകാർ വരവേറ്റത്.
തുമരംപാറ വാർഡ് അംഗം ബിനോയ് ഇലവുങ്കലിന്റെ നേതൃത്വത്തിൽ ബസ് ജീവനക്കാരെ പൊന്നാട ചാർത്തി ആദരിച്ചു.
