ലോകത്തില് പുതുവത്സരം ആദ്യം ആഘോഷിച്ച് ഈ ദ്വീപ് രാജ്യം
പസഫിക് സമുദ്രത്തിലെ ദ്വീപ് രാഷ്ട്രമായ കിരിബാട്ടിയിൽ പുതുവത്സരം പിറന്നു. ലോകത്തിലെ ആദ്യ പുതുവത്സരം കാണാൻ കഴിയുന്ന ഭൂഭാഗങ്ങളിലൊന്നാണ് കിരിബാട്ടി. ഹവായിയുടെ തെക്കും ഓസ്ട്രേലിയയുടെ വടക്കുകിഴക്കുമായാണ് ദ്വീപ് സ്ഥിതി ചെയ്യുന്നത്. നിരവധി അറ്റോളുകൾ വളയത്തിന്റെ ആകൃതിയിലുള്ള പവിഴപ്പുറ്റുകൾ ചേർന്നതാണ് ഈ ദ്വീപ്. കിഴക്ക് നിന്ന് പടിഞ്ഞാറോട്ട് ഏകദേശം 4,000 കിലോമീറ്റർ വ്യാപിച്ചുകിടക്കുന്നു. കിരിബാസ് എന്ന് വിളിക്കപ്പെടുന്ന കിരിബതി 1979-ൽ യുണൈറ്റഡ് കിംഗ്ഡത്തിൽ നിന്ന് സ്വതന്ത്രമായി. ദക്ഷിണ പസഫിക്കിലെ ഏറ്റവും വലിയ സമുദ്ര സംരക്ഷണ കേന്ദ്രമായതിനാൽ, പല അറ്റോളുകളിലും ജനവാസമുണ്ട്. […]
ഇ – ബസുകൾ തിരിച്ചയയ്ക്കും
ഇ – ബസുമായി ബന്ധപ്പെട്ട വിഷയത്തിൽ തിരുവനന്തപുരം മേയർ വിവി രാജേഷിന് മറുപടിയുമായി ഗതാഗത മന്ത്രി കെ ബി ഗണേഷ് കുമാർ. കോർപ്പറേഷൻ ബസുകൾ വാങ്ങിയത് കേന്ദ്ര പദ്ധതിയിൽ ആണെന്ന് പറയാൻ കഴിയില്ലെന്നും മന്ത്രി വ്യക്തമാക്കി. തിരുവനന്തപുരം കോർപ്പറേഷൻ കെഎസ്ആർടിസിക്ക് നൽകിയ ഇ – ബസുകൾ നഗരത്തിന് പുറത്തും ഓടുന്നുണ്ടെന്നായിരുന്നു മേയറുടെ ആരോപണം. ഇ – ബസുകൾ ഉടൻ തിരിച്ചെത്തിക്കുമെന്നും രാഷ്ട്രീയ സമ്മർദം കാരണമാണ് മറ്റ് സ്ഥലങ്ങളിൽ ബസ് ഓടിക്കുന്നതെന്നും മേയർ പറഞ്ഞിരുന്നു. ഇതിനെതിരെയാണ് ഗണേഷ് കുമാർ […]
സ്നേഹത്തുമ്പീ …….
ഇംഗ്ലീഷ് മാസങ്ങളിൽ ഏറ്റവും സുന്ദരമായ മാസം ഡിസംബറാണത്രേ .യൂറോപ്യൻ രാജ്യങ്ങളിലാണ് ഡിസംബർ എത്തുമ്പോഴേക്കും ജനങ്ങളുടെ ആവേശം കൊടുമുടിയിൽ എത്താറുള്ളത്. ക്രിസ്തുമസ്സിനേയും പുതുവത്സരത്തേയും വരവേൽക്കാനുള്ള ആവേശത്തിൽ പ്രകൃതി പോലും കുളിരണിഞ്ഞ് ഡിസംബറിനെ കൂടുതൽ മനോഹരമാക്കുന്നു . ഡിസംബറും ഈ വർഷവും വിടവാങ്ങുന്ന അവസരത്തിൽ2005 -ൽ പുറത്തുവന്ന “ഡിസംബർ ” എന്ന മലയാള ചലച്ചിത്രം പെട്ടെന്ന് ഓർമ്മയിലേക്ക് കടന്നുവന്നു .ഈ ചിത്രം പെട്ടെന്ന് മനസ്സിൽ തെളിഞ്ഞു വരാൻ കാരണം “ഡിസംബർ ” എന്ന ചിത്രത്തിലെ അതിമനോഹരമായഒരു ഗാനമാണ്.“ഡിസംബർ ” എന്ന […]
വിദ്യാര്ത്ഥിനി ജീവനൊടുക്കിയ നിലയില്
വര്ക്കലയില് പത്താം ക്ലാസ് വിദ്യാര്ത്ഥിനിയെ ജീവനൊടുക്കിയ നിലയില് കണ്ടെത്തി. അഞ്ചുതെങ്ങ് നെടുങ്ങണ്ട നളിനി ഭവനില് ഋഷികയെയാണ് വീടിനുള്ളില് കിടപ്പുമുറിയില് തൂങ്ങി മരിച്ച നിലയില് കണ്ടെത്തിയത്. കടക്കാവൂര് ഗവണ്മെന്റ് ഹയര്സെക്കണ്ടറി സ്കൂളിലെ പത്താംക്ലാസ് വിദ്യാര്ത്ഥിയാണ് ഋഷിക. വര്ക്കലയിലെ സ്വകാര്യആശുപത്രിയില് സൂക്ഷിച്ചിരുന്ന മൃതദേഹം പാരിപ്പള്ളി മെഡിക്കല് കോളേജില് പോസ്റ്റുമോര്ട്ടം നടപടികള്ക്ക് ശേഷം വീട്ടുവളപ്പില് സംസ്കരിക്കും.
ഡോക്ടര് അശ്വന് മോഹനചന്ദ്രന് വിടവാങ്ങി
നാലുപേര്ക്ക് പുതുജീവന് നല്കി ഡോക്ടര് അശ്വന് മോഹനചന്ദ്രന് വിടവാങ്ങി. കോഴിക്കോട് മുക്കം കെഎംസിടി മെഡിക്കല് കോളേജിലെ ജൂനിയര് റസിഡന്റ് ഡോ. അശ്വന് (32) ആണ് മരണശേഷവും സഹജീവികളിലൂടെ ജീവിക്കുക. അശ്വന്റെ കരള്, ഹൃദയവാല്വ്, രണ്ട് നേത്രപടലങ്ങള് എന്നിവ ഉള്പ്പടെ നാല് അവയവങ്ങളാണ് ദാനം ചെയ്തത്. അശ്വന്റെ കരള് തിരുവനന്തപുരം കിംസ് ആശുപത്രിയിലെ രോഗിയ്ക്കും ഹൃദയവാല്വ് തിരുവനന്തപുരം ശ്രീ ചിത്ര ഇന്സ്റ്റിറ്റ്യൂട്ട് ഫോര് മെഡിക്കല് സയന്സസ് ആന്ഡ് ടെക്നോളജിയിലെ രോഗിക്കും നേത്രപടലങ്ങള് തിരുവനന്തപുരം ചൈതന്യ ഐ ഹോസ്പിറ്റല് റിസര്ച്ച് […]
ബാങ്ക് അക്കൗണ്ടുകള് മരവിപ്പിച്ചു
ബെംഗളൂരു : ലുലു മാളിന്റെ ബാങ്ക് അക്കൗണ്ടുകള് ആദായനികുതി വകുപ്പ് മരവിപ്പിച്ചു. 27 കോടി രൂപയുടെ ആദായനികുതി അടയ്ക്കാത്തതിനാലാണ് നടപടി . അന്വേഷണത്തിനിടെ, നികുതി ബാധ്യതകളും ഇടപാടുകളുമായി ബന്ധപ്പെട്ട നിരവധി രേഖകള് പരിശോധിച്ചതില് നിന്ന് നികുതി വെട്ടിപ്പിന്റെ സൂചനകള് കണ്ടെത്തിയതായി അധികൃതര് സ്ഥിരീകരിക്കുകയായിരുന്നു. കുടിശ്ശികയുള്ള നികുതി തുക സംബന്ധിച്ച് കമ്പനിക്ക് മുമ്പ് നോട്ടിസ് നല്കിയിരുന്നതായും എന്നാല് നിശ്ചിത സമയപരിധിക്കുള്ളില് പണം നല്കിയില്ലെന്നും ആദായനികുതി വകുപ്പ് അറിയിച്ചു. ഇതിനെത്തുടര്ന്ന് ബാങ്ക് അക്കൗണ്ട് മരവിപ്പിക്കാന് വകുപ്പ് നിയമനടപടി സ്വീകരിക്കുകയായിരുന്നു.
ബാറുകൾ നാളെ രാത്രി 12 വരെ
പുതുവത്സരാഘോഷങ്ങളുടെ ഭാഗമായി നാളെ ബാറുകളുടെ പ്രവർത്തന സമയം ഒരു മണിക്കൂർ കൂട്ടി. രാത്രി 12 വരെ ബാറുകള് പ്രവർത്തിക്കും. രാവിലെ 11 മുതൽ രാത്രി 11വരെയാണ് ബാറുകളുടെ പ്രവർത്തന സമയം. ബാർ ഹോട്ടൽ ഉടമകളുടെ ആവശ്യത്തെ തുടർന്നാണ് സർക്കാർ ഒരു മണിക്കൂർ സമയം നീട്ടി ഉത്തരവ് ഇറക്കിയത്. പുതുവത്സരാഘോഷത്തിന്റെ ഭാഗമായി സംസ്ഥാനത്താകെയുള്ള ബാര് ഹോട്ടലുകളിൽ ആഘോഷങ്ങള് സംഘടിപ്പിച്ചിട്ടുണ്ട്. അതിന്റെ ഭാഗമായി ബാര് ഹോട്ടൽ ഉടമകള് ഇത്തരമൊരു ആവശ്യം സര്ക്കാരിന് മുന്നിൽ എത്തിച്ചിരുന്നു. മാത്രമല്ല, വിനോദ സഞ്ചാരികളുടെ വരവ് […]
മത്തിആരംഭം കുറിച്ചു
വിഷ്യൽ മീഡിയാ രംഗത്ത് ഏറെക്കാലം വിവിധ രംഗങ്ങളിൽ പ്രവർത്തിക്കുകയും, നാദബ്രഹ്മം, സൂര്യ ഗീതം, പച്ചക്കിളി(തമിഴ്)എന്നീ ചിത്രങ്ങൾ സംവിധാനം ചെയ്യുകയും ചെയ്ത ബിജുലാൽ തിരക്കഥരചിച്ച് സംവിധാനം ചെയ്യുന്ന പുതിയ ചിത്രമാണ് മത്തി ‘ഈ ചിത്രത്തിന് ഡിസംബർ ഇരുപത്തിയെട്ട് ഞായറാഴ്ച്ച കൊച്ചിയിൽ തുടക്കം കുറിച്ചുഫിലിം പ്രൊഡ്യൂസേർസ് അസ്സോസ്സിയേഷൻ ഹാളിൽ നടന്ന ചടങ്ങിൽ പ്രശസ്ത നിർമ്മാതാവ് ശശി അയ്യഞ്ചിറ സ്വിച്ചോൺ കർമ്മം നിർവ്വഹിച്ചതോടെ യായിരുന്നു ആരംഭം കുറിച്ചത്.ചെമ്പിൽ അശോകൻ, നിർമ്മാതാവ് സന്തോഷ് പവിത്രം, തിരക്കഥാകൃത്ത്, ഷിജു നമ്പത്ത്, എന്നിവർ ആശംസകൾ നേർന്നു.റോഡ് […]
ഒന്നു മുതല് 12 വരെ പാഠപുസ്തക പരിഷ്കരണം പൂര്ത്തിയാകുന്നു
ഒന്നു മുതല് 12 വരെയുള്ള പാഠപുസ്തക പരിഷ്കരണം കേരളത്തില് അന്തിമഘട്ടത്തിലേക്ക് കടക്കുന്നതായി വിദ്യാഭ്യാസ മന്ത്രി വി.ശിവൻകുട്ടി.കേന്ദ്ര സർക്കാർ ദേശീയ വിദ്യാഭ്യാസ നയത്തിലൂടെ സ്വന്തം നയങ്ങള് അടിച്ചേല്പ്പിക്കാൻ ശ്രമിക്കുകയാണെന്നും, എന്നാല് കേരള പാഠ്യപദ്ധതി ചട്ടക്കൂടിന്റെ അടിസ്ഥാനത്തിലാണ് സംസ്ഥാനത്ത് പരിഷ്കരണം നടക്കുന്നതെന്നും മന്ത്രി വ്യക്തമാക്കി. ഭരണഘടനാ മൂല്യങ്ങള് ഉയർത്തിപ്പിടിക്കുന്ന പാഠഭാഗങ്ങള് കേരളം കൂടുതല് ശക്തമായി ഉള്പ്പെടുത്തുമെന്നും അദ്ദേഹം പറഞ്ഞു.വേനലവധി മാറ്റം സംബന്ധിച്ച് ജനങ്ങളുടെ അഭിപ്രായം അറിയുന്നതിനായി കരട് വിജ്ഞാപനം പ്രസിദ്ധീകരിക്കുമെന്നും മന്ത്രി അറിയിച്ചു.
ആംബുലന്സ് കടത്തിക്കൊണ്ടു പോയ വിദ്യാര്ഥികളെ കോഴിക്കോട് നിന്നും കണ്ടെത്തി.
തിരുവനന്തപുരം കല്ലമ്പലത്ത് ആംബുലന്സ് കടത്തിക്കൊണ്ടുപോയ രണ്ട് വിദ്യാര്ഥികളെയും കണ്ടെത്തി. കോഴിക്കോട് പന്തീരാങ്കാവ് പൊലീസ് സ്റ്റേഷന് പരിധിയില് നിന്നാണ് ഇരുവരെയും കണ്ടെത്തിയത്. പന്തീരാങ്കാവ് പെരുമണ്ണയിലെ ബന്ധുവീട്ടിലായിരുന്നു വിദ്യാര്ഥികള്. കല്ലമ്ബലത്ത് നിന്നാണ് പ്രായപൂര്ത്തിയാകാത്ത വിദ്യാര്ഥികള് ആംബുലന്സ് കടത്തിക്കൊണ്ടു പോയത്. വിദ്യാര്ഥികളെ തിരുവനന്തപുരത്ത് എത്തിച്ച് ചോദ്യം ചെയ്യും. ആംബുലന്സ് കൊല്ലത്ത് ഉപേക്ഷിച്ചതായാണ് വിദ്യാര്ഥികള് പറഞ്ഞത്. എന്നാല് സംഭവത്തില് കൂടുതല് വ്യക്തത വരേണ്ടതുണ്ടെന്ന് പൊലീസ് പറഞ്ഞു.കല്ലമ്ബലം കുടവൂര് മുസ്ലീം ജമാഅത്തെയുടെ ഉടമസ്ഥതയിലുള്ള വാഹനമാണ് വിദ്യാര്ഥികള് കടത്തിയത്. കാണാതായ കുട്ടികള്ക്ക് വേണ്ടി മാതാപിതാക്കളും പൊലീസില് […]